വേനല്‍ അവധിക്കുശേഷം സ്‌കുളുകള്‍ ഇന്ന് തുറക്കും.... സാമൂഹ്യ ബോധ്യം വളര്‍ത്തുന്ന 10 വിഷയങ്ങളായിരിക്കും ആദ്യം രണ്ടാഴ്ച പഠിപ്പിക്കുക, ലഹരി തടയുന്നത് ഉള്‍പ്പെടെയുള്ള വിഷയങ്ങള്‍ പഠന വിഷയമാക്കും
പ്രവേശനോത്സവം ഇന്ന് ....
മുഖ്യമന്ത്രി ഇന്ന് പ്രവേശനോത്സവം ആലപ്പുഴ കലവൂര്‍ ഗവ. എച്ച്എസ്എസില്‍ ഉദ്ഘാടനം ചെയ്യും. ജില്ലാ തല പ്രവേശനോല്‍സവം മന്ത്രിമാര്‍ ഉദ്ഘാടനം ചെയ്യുന്നതാണ്. അക്കാദമിക് മാസ്റ്റര്‍ പ്ലാന്‍ ജൂണ്‍ 10 നകം പുറത്തിറക്കുകയും സമഗ്ര ഗുണമേന്‍മ പദ്ധതി നടപ്പാക്കുമെന്നും സമഗ്ര ഗുണമേന്‍മ വര്‍ഷമായി ആചരിക്കുമെന്നും വി ശിവന്‍ കുട്ടി പറഞ്ഞു.
ആദ്യം രണ്ടാഴ്ച സാമൂഹ്യ ബോധ്യം വളര്‍ത്തുന്ന 10 വിഷയങ്ങളായിരിക്കും പഠിപ്പിക്കുക. ലഹരി തടയുന്നത് ഉള്‍പ്പെടെയുള്ള വിഷയങ്ങള്‍ പഠന വിഷയമാക്കും. ഹയര്‍ സെക്കന്‍ഡറി പാഠ്യ പദ്ധതി പരിഷ്‌കരണം ഈ വര്‍ഷം പൂര്‍ത്തിയാക്കുമെന്നും വിദ്യാഭ്യാസ മന്ത്രി അറിയിച്ചു.
ജില്ലാ സ്‌കൂള്‍ പ്രവേശനോത്സവവും കിഫ്ബി ഫണ്ട് ഉപയോഗിച്ച് കവലയൂര്‍ ഗവ. എച്ച്എസ്എസില്‍ നിര്‍മിച്ച ഇരുനില കെട്ടിടത്തിന്റെ ഉദ്ഘാടനവും ഇന്ന് രാവിലെ 9.30ന് സ്‌കൂള്‍ ഓഡിറ്റോറിയത്തില്‍ നടക്കും. മന്ത്രി ജി ആര് അനില്‍ ഉദ്ഘാടനം ചെയ്യും. ഒ എസ് അംബിക എംഎല്‍എ അധ്യക്ഷയാകും. അടൂര്‍ പ്രകാശ് എംപി മുഖ്യാതിഥിയാകും.
കോര്‍പറേഷന്‍തല പ്രവേശനോത്സവം തൈക്കാട് ഗവ. മോഡല്‍ എച്ച്എസ്എസില്‍ നടക്കും. തിങ്കള്‍ രാവിലെ 9.30ന് നടക്കുന്ന പരിപാടി മേയര്‍ ആര്യ രാജേന്ദ്രന്‍ ഉദ്?ഘാടനം ചെയ്യുന്നതാണ്.
അതേസമയം അഞ്ച് മുതല്‍ ഒന്‍പതാം ക്ലാസ് വരെയുള്ള മൂല്യനിര്‍ണയം കര്‍ശനമാക്കുമെന്ന് വിദ്യാഭ്യാസ മന്ത്രി വി. ശിവന്‍കുട്ടി. വാര്‍ഷിക പരീക്ഷയ്ക്ക് മിനിമം മാര്‍ക്ക് വാങ്ങാത്തവര്‍ക്ക് പ്രത്യേക പരിശീലനം നല്‍കും. ആരെയും തോല്‍പ്പിക്കുക അല്ല ഉദ്ദേശമെന്നും മന്ത്രി പറഞ്ഞു.
https://www.facebook.com/Malayalivartha
