പ്ലസ് വൺ അപേക്ഷാതീയതി നീട്ടിയത് സ്റ്റേ ചെയ്തില്ല; അപ്പീൽ 26-ലേക്ക് മാറ്റി
സംസ്ഥാന ഹയർസെക്കൻഡറിയിൽ പതിനൊന്നാം ക്ലാസിലേക്കുള്ള പ്രവേശനത്തീയതി നീട്ടിയ സിംഗിൾബെഞ്ചിന്റെ ഉത്തരവ് സ്റ്റേ ചെയ്യാൻ ഡിവിഷൻ ബെഞ്ച് വിസമ്മതിച്ചു. സി. ബി.എസ്.ഇ. വിദ്യാര്ഥികള്ക് അവസരം നിഷേധിക്കാതിരിക്കാനാണ് കാലാവധി നീട്ടിയത്. എന്നാൽ അത് ഭൂരിപക്ഷംവരുന്ന സംസ്ഥാന സിലബസിലെ ഹയർസെക്കൻഡറി പ്രവേശനത്തെ ബാധിക്കുമെന്നായിരുന്നു സർക്കാർവാദം.
സി.ബി.എസ്.ഇ.ക്കാരുടെ അപേക്ഷകൂടി നേരത്തെ സ്വീകരിക്കാൻ സാധിക്കുമോ എന്നറിയിക്കാൻ കോടതി സർക്കാരിനോട് ആവശ്യപ്പെട്ടിട്ടുണ്ട്. എന്നാൽ അങ്ങനെ ചെയ്യണമെങ്കിൽ വെബ്സൈറ്റിൽ മാറ്റംവരുത്തേണ്ടിവരുമെന്ന് സർക്കാർ ബോധിപ്പിച്ചു. അതിനെക്കുറിച്ച് കോടതി വിശദീകരണം തേടി. ഇതിനായി അപ്പീൽ 26-ലേക്ക് മാറ്റി.
https://www.facebook.com/Malayalivartha