'ഏതൊരു പ്രശ്നത്തിലും സംഘര്ഷം ഒഴിവാക്കാന് വേണ്ടി ഇവര് സ്വീകരിക്കുന്ന മൗനം..അത് നമ്മള് കണ്ടു പഠിക്കേണ്ടതാണ്…മഹാനടനാവാനുള്ള അടിസ്ഥാന യോഗ്യത ശരിക്കും ഇത്തരം മഹാമൗനങ്ങളാണെന്ന് ഞാന് തിരിച്ചറിയുന്നു…' പരിഹസിച്ച് ഹരീഷ് പേരടി
വിവാദങ്ങൾ നിറയുന്ന മലയാള സിനിമയിൽ മൗനം പാലിക്കുന്നവർക്കായി ഒരു കുറിപ്പ്. അടുത്തിടെയുണ്ടായ വിവാദങ്ങളില് യാതൊരു പ്രതികരണവും രേഖപ്പെടുത്താതെ വിട്ടു നിന്ന മമ്മൂട്ടിയെയും മോഹന്ലാലിനെയും വിമര്ശിച്ച് നടന് ഹരീഷ് പേരടി ഇപ്പോൾ രംഗത്ത് എത്തിയിരിക്കുകയാണ്. സംഘര്ഷം ഒഴിവാക്കാന് വേണ്ടി ഇവര് രണ്ട് പേരും സ്വീകരിക്കുന്ന മൗനം കണ്ട് പഠിക്കേണ്ടതാണെന്നും പരിഹാസ രൂപേണ ഹരീഷ് കുറിക്കുകയുണ്ടായി.
ഫേസ്ബുക് കുറിപ്പ് ഇങ്ങനെ;
‘ഇവര് രണ്ടു പേരോടുമുള്ള എന്റെ ആരാധന ദിവസവും കൂടിക്കൂടി വരികയാണ്…ഏതൊരു പ്രശ്നത്തിലും സംഘര്ഷം ഒഴിവാക്കാന് വേണ്ടി ഇവര് സ്വീകരിക്കുന്ന മൗനം..അത് നമ്മള് കണ്ടു പഠിക്കേണ്ടതാണ്…മഹാനടനാവാനുള്ള അടിസ്ഥാന യോഗ്യത ശരിക്കും ഇത്തരം മഹാമൗനങ്ങളാണെന്ന് ഞാന് തിരിച്ചറിയുന്നു…എല്ലാത്തിലും കേറി അഭിപ്രായം പറയുന്ന എന്നോടൊക്കെ എനിക്ക് പുച്ഛം തോന്നുന്നു…പുതുതായി തുടങ്ങിയ ശ്രീനാരായണ സര്വകലാശാലയില് മൗനം ഒരു പാഠ്യ വിഷയമായി മാറ്റുകയും അവിടെ ഇവര് രണ്ടുപേരും അതിഥി അധ്യാപകരായി എത്തുകയും ചെയ്താല് സംഘര്ഷങ്ങളും കൊലപാതകങ്ങളും ഒന്നുമില്ലാത്ത ഒരു പുതിയ കേരളത്തെ നമുക്ക് നിഷ്പ്രയാസം വാര്ത്തെടുക്കാന് പറ്റും,’
https://www.facebook.com/Malayalivartha
