പഴയകാല ഹിറ്റ് ചിത്രങ്ങളുടെ സംവിധായകന് പി.ഗോപികുമാര് അന്തരിച്ചു
വാര്ധക്യസഹജമായ അസുഖങ്ങളെത്തുടര്ന്ന് രണ്ടു ദിവസം മുന്പു സ്വകാര്യ ആശുപത്രിയില് പ്രവേശിപ്പിക്കപ്പെട്ട സംവിധായകന് പി.ഗോപികുമാര് (77) അന്തരിച്ചു. പഴയകാല ഹിറ്റ് ചിത്രങ്ങളുടെ സംവിധായകനായ അദ്ദേഹം ഇന്നലെ രാത്രിയോടെയാണ് മരിച്ചത്. സംവിധായകന് പി.ചന്ദ്രകുമാര്, ഛായാഗ്രാഹകന് പി.സുകുമാര്, നടന് പി.വിജയകുമാര് എന്നിവര് സഹോദരങ്ങളാണ്.
1977-ല് കമല്ഹാസനെ നായകനാക്കി ആദ്യചിത്രമായ 'അഷ്ടമംഗല്യം' സംവിധാനം ചെയ്തു. തുടര്ന്ന് ഹര്ഷബാഷ്പം, മനോരഥം, പിച്ചിപ്പൂ, ഇവള് ഒരു നാടോടി, കണ്ണുകള്, തളിരിട്ട കിനാക്കള്, കാട്ടുപോത്ത്, അരയന്നം തുടങ്ങിയ ചിത്രങ്ങള് കൂടി ഒരുക്കി. പി.ഭാസ്കരനൊപ്പം സഹസംവിധായകനായാണ് സിനിമയില് എത്തിയത്.
അവിവാഹിതനായ ഗോപികുമാര് വര്ഷങ്ങളായി പാലക്കാട് നഗരത്തിനു സമീപം നൂറണിയിലാണു താമസം. പൊന്നാനിയാണ് സ്വദേശം. സംസ്കാരം ഇന്ന് ചന്ദ്രനഗര് വൈദ്യുത ശ്മശാനത്തില്.
https://www.facebook.com/Malayalivartha