സിനിമാ - സീരിയൽ താരം അപർണ നായരെ മരിച്ചനിലയിൽ കണ്ടെത്തിയത് തിരുവനന്തപുരത്തെ വീട്ടിലാണ്. കരമന തളിയിലെ വീട്ടിലാണ് അപർണ്ണയെ മരിച്ച നിലയിൽ കണ്ടെത്തിയത്. ഇന്നലെ വൈകീട്ട് ഏഴരയോടെയാണ് സംഭവം. സംഭവസമയത്ത് അമ്മയും സഹോദരിയുമാണ് വീട്ടിലുണ്ടായിരുന്നത്. കരമന പോലീസ് സ്ഥലത്തെത്തി അസ്വാഭാവിക മരണത്തിന് കേസ് എടുത്ത് അന്വേഷണം ആരംഭിച്ചിട്ടുണ്ട്.

ബന്ധുക്കളിൽനിന്ന് പോലീസ് മൊഴിയെടുത്തിട്ടുണ്ട്. മൃതദേഹം സ്വകാര്യ ആശുപത്രി മോർച്ചറിയിലേക്ക് മാറ്റി. അപർണയുടെ ഭർത്താവ് സഞ്ജിത്, രണ്ടുപെൺകുഞ്ഞുങ്ങളാണ് ഇവർക്കുള്ളത് ത്രയ, കൃതിക. സീരിയലുകളിലൂടെയും സിനിമകളിലൂടെയും പ്രേക്ഷകർക്ക് ഏറെ പ്രിയങ്കരിയായ നടിയാണ് അപർണ്ണ നായർ.

മേഘതീർഥം, മുദ്ദുഗൗ, അച്ചായൻസ്, കോടതി സമക്ഷം ബാലൻ വക്കീൽ, കൽക്കി തുടങ്ങിയ സിനിമകളിലും ചന്ദനമഴ, ആത്മസഖി, മൈഥിലി വീണ്ടും വരുന്നു, ദേവസ്പർശം, തുടങ്ങിയ സീരിയലുകളിലും അഭിനയിച്ചിട്ടുണ്ട്. രണ്ടുപെൺകുഞ്ഞുങ്ങളാണ് അപര്ണയ്ക്ക്. എപ്പോഴും നിറഞ്ഞ ചിരിയോടെ മാത്രം കാണുന്ന അപർണ്ണയുടെ മരണം ഇപ്പോഴും ആരാധകർക്കും സുഹൃത്തുക്കൾക്കും വിശ്വസിക്കാൻ സാധിച്ചിട്ടില്ല. അടുത്തിടെയായി അപർണ്ണ നിരാശാജനകമായ പോസ്റ്റുകളാണ് പങ്കുവെച്ചിരുന്നത്.