മമ്മൂട്ടി കേന്ദ്രകഥാപാത്രമായി എത്തിയ കാതല്‍ ഒടിടിയില്‍ എത്തുകയാണ്. ജിയോ ബേബി സംവിധാനം ചെയ്ത ചിത്രത്തില്‍ ജ്യോതിക ആയിരുന്നു നായിക. ചിത്രം ആമസോണ്‍ പ്രൈമിലാണ് സ്ട്രീമിംഗ്് ആരംഭിക്കുക. നാളെയാണ് (ജനുവരി 5) ചിത്രം സ്ട്രീമിംഗ് ആരംഭിക്കുക. ഇന്ത്യന്‍ സമയം പന്ത്രണ്ട് മണി മുതല്‍ ചിത്രം കാണാന്‍ സാധിക്കും. മമ്മൂട്ടി തന്നെയാണ് ചിത്രത്തിന്റെ ഒടിടി റിലീസ് വിവരം ഔദ്യോഗികമായി പങ്കുവെച്ചത്. അതേസമയം, ഇന്ത്യയ്ക്ക് പുറത്തുള്ള രാജ്യങ്ങളിലുള്ളവര്‍ക്ക് വാടകയ്ക്ക് കാതല്‍ കാണാനുള്ള അവസരം ആമസോണ്‍ ഒരുക്കിയിട്ടുണ്ട്.

2023 നവംബര്‍ 23ന് ആയിരുന്നു കാതല്‍ തിയറ്ററുകളില്‍ എത്തിയത്. പ്രഖ്യാപനം മുതല്‍ ശ്രദ്ധിക്കപ്പെട്ട ചിത്രത്തില്‍ മാത്യു ദേവസി എന്ന കഥാപാത്രമായി മമ്മൂട്ടി എത്തിയപ്പോള്‍, ഓമനയായാണ് ജ്യോതിക വേഷമിട്ടത്. സ്വവര്‍?ഗാനുരാ?ഗിയായ ഭര്‍ത്താവിനൊപ്പം ജീവിച്ച ഭാര്യയായി ജ്യോതികയും തന്റെ വ്യക്തിത്വം തുറന്നുപറയാന്‍ സാധിക്കാതെ ഉഴലുന്ന ആളായി മമ്മൂട്ടിയും ?ഗംഭീര പ്രകടം കാഴ്ചവച്ചു. മനുഷ്യമനസിന്റെ മാനസിക സംഘര്‍ഷങ്ങളുടെ നേര്‍സാക്ഷ്യം കൂടിയായി കാതല്‍ മാറുക ആയിരുന്നു. സുധി കോഴിക്കോട്, ചിന്നു ചാന്ദിനി, മുത്തുമണി തുടങ്ങിയവരും ചിത്രത്തില്‍ പ്രധാന വേഷത്തില്‍ എത്തിയരുന്നു.

അതേസമയം, ഭ്രമയുഗം ആണ് മമ്മൂട്ടിയുടേതായി റിലീസിന് ഒരുങ്ങുന്നത്. ബസൂക്ക, ടര്‍ബോ എന്നിവയാണ് അണിയറയില്‍ ഒരുങ്ങുന്ന മറ്റ് ചിത്രങ്ങള്‍. ഒപ്പം തെലുങ്ക് സിനിമ യാത്ര 2വും റിലീസിന് ഒരുങ്ങുകയാണ്. 2024 ഫെബ്രുവരിയില്‍ ഈ ചിത്രം തിയറ്ററില്‍ എത്തും.