അമേരിക്കയിലെ ഷൂട്ടിംഗിനിടെ ആസ്പത്രിയിലായിരുന്ന ടി.കെ രാജീവ് കുമാറിന്റെ നില തൃപ്തികരമായതായി സിനിമാ പ്രവര്‍ത്തകര്‍ അറിയിച്ചു. കമലഹാസന്റെ സബാഷ് നായിഡുവിന്റെ ഷൂട്ടിംഗിനാണ് രാജീവ് കുമാര്‍ അമേരിക്കയിലെത്തിയത്. വനത്തിലെ ചിത്രീകരണത്തിനിടെ ഏതോ പ്രാണി കടിച്ചതോടെയാണ് പ്രശ്നം തുടങ്ങിയത്. രോഗം മൂര്‍ച്ഛിച്ചതോടെ ആസ്പത്രിയില്‍ അഡ്മിറ്റ് ചെയ്തു. ഫെഫ്ക ജനറല്‍ സെക്രട്ടറി ബി. ഉണ്ണികൃഷ്ണന്‍ കമലഹാസനുമായി ബന്ധപ്പെട്ടു. അപകടനില തരണം ചെയ്തെന്ന് കമല്‍ പറഞ്ഞതായി ഉണ്ണികൃഷ്ണന്‍ പറഞ്ഞു. താമസിക്കാതെ രാജീവ് നാട്ടിലേക്ക് തിരിക്കും. 

രാജീവ് കുമാര്‍ ആസ്പത്രിയിലായതോടെ സംവിധാന ചുമതല കമലഹാസന്‍ ഏറ്റെടുത്തു. മലയാളത്തില്‍ നിന്ന് സിദ്ധിഖ് ചിത്രത്തില്‍ അഭിനയിക്കുന്നുണ്ട്. ചാണക്യന്‍ മുതലുള്ള പരിചയമാണ് കമലഹാസനും രാജീവ് കുമാറും തമ്മില്‍. സബാഷ് നായിഡുവിന്റെ കഥ വന്നപ്പോഴേ കമല്‍ രാജീവ് കുമാറിനെ വിളിച്ചു. രാജീവ് സിനിമകളുടെ തിരക്കില്ലാതെ,മറ്റ് ചില കലാപരിപാടികളുമായി കഴിയുകയായിരുന്നു. എന്നാല്‍ കമലഹാസന്റെ വിളിവന്നതോടെ മറ്റെല്ലാം മാറ്റിവച്ചിട്ടാണ് അമേരിക്കയിലേക്ക് പറന്നത്. എന്നാല്‍ അത് ഇത്തരത്തിലൊരു ദുരിതത്തില്‍ കലാശിക്കുമെന്ന് ആരും കരുതിയില്ല. രാജീവികുമാറിന്റെ അടുത്ത ബന്ധുക്കള്‍ ഉള്‍പ്പെടെ അമേരിക്കക്ക് തിരിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha