അനുഗ്രഹം നല്കാന് താരം...നടന് മുരളിയുടെ മകള്ക്കു വിവാഹാശംസകള് അറിയിച്ചു മെഗാതാരം
മുരളിയുടെ ഓര്മ്മകളില് ഒരു നിമിഷം കണ്ണടച്ചു. വാക്കുകള് മുറിഞ്ഞു..ഒപ്പം കല്യാണം പൊടിപൊടിക്കണം എന്ന ഉപദേശവും. നടന് മുരളിയുടെ മകള് കാര്ത്തികയ്ക്കു വിവാഹാശംസകളുമായി മെഗാതാരം മമ്മൂട്ടിയെത്തി. കവടിയാര് പണ്ഡിറ്റ് നഗര് കോളനിയിലെ വീട്ടിലാണു മമ്മൂട്ടിയെത്തി കാര്ത്തികയ്ക്ക് ആശംസകള് നേര്ന്നത്.
ജൂലൈ 15ന് ഇടപ്പഴഞ്ഞി ആര്ഡിആര് ഓഡിറ്റോറിയത്തിലാണു കാര്ത്തികയുടെ വിവാഹം. വിവാഹച്ചടങ്ങില് പങ്കെടുക്കാന് സാധിക്കാത്തതിന്റെ വിഷമം അറിയിച്ച മമ്മൂട്ടി എല്ലാവിധ ആശംസകളും കാര്ത്തികയെ അറിയിച്ചു.
വിവാഹത്തിന്റെ തയ്യാറെടുപ്പുകളും മറ്റു വിശേഷങ്ങളും ആരാഞ്ഞ മമ്മൂട്ടി മുരളിയെക്കുറിച്ചുള്ള ഓര്മകളും കാര്ത്തികയുമായും മുരളിയുടെ ഭാര്യ ശൈലജയുമായും പങ്കുവച്ചു. കാര്ത്തികയെ നെഞ്ചോട് ചേര്ത്ത് അനുഗ്രഹിച്ചാണ് മമ്മൂട്ടി മടങ്ങിയത്. വട്ടിയൂര്ക്കാവ് ഇന്ദിര ഭവനില് സ്വനൂപ് ആര് നായര് ആണ് കാര്ത്തികയുടെ വരന്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
