പരസ്പരം സീരിയല് നായിക ഗായത്രി അരുണും സിനിമയിലേക്ക്
അരക്കൈ പയറ്റാന് അടുത്ത അങ്കത്തിന്. മിനിസ്ക്രീനില് സൂപ്പര്ഹിറ്റായി ഓടുന്ന പരസ്പരത്തിലെ നായിക ഗായത്രി അരുണും ബിഗ് സ്ക്രീനിലേക്ക്. കേരളത്തിലെ കുടുംബ പ്രേക്ഷകരുടെ പ്രശംസ പിടിച്ചുപറ്റി 900 എപ്പിസോഡിലേക്ക് പരമ്പര കുതിക്കുമ്പോഴാണ് അതിലെ നായിക ദീപ്തി ഐപിഎസിന് ടെലിവിഷനില് നിന്നും സിനിമയിലേക്ക് പ്രമോഷന് കിട്ടിയിരിക്കുന്നത്.
സര്വോപരി പാലക്കാരന് എന്ന സിനിമയിലാണ് ഗായത്രി അരങ്ങേറുന്നത്. വേണുഗോപന് സംവിധാനം ചെയ്യുന്ന സിനിമയില് അനൂപ് മേനോനാണ് നായകന്, അപര്ണ്ണാ ബാലമുരളി, അനു സിതാര എന്നിവരും സിനിമയിലുണ്ട്. അതേസമയം പരമ്പരയില് ഐപിഎസുകാരിയായിരുന്ന ഗായത്രിക്ക് സിനിമയിലും പോലീസ് വേഷമണ്. അസിസ്റ്റന്റ് സബ് ഇന്സ്പക്ടര് ചന്ദ്രാ ശിവകുമാര് എന്ന വേഷമാണ്.
സീരിയല് ചെയ്തു കൊണ്ടിരിക്കെ തന്നെ തനിക്ക് സിനിമയില് നിന്നും അവസരങ്ങള് വന്നിരുന്നതായും എന്നാല് എല്ലാറ്റിനും കൂടുതല് ദിവസങ്ങള് വേണമെന്നതിനാല് നഷ്ടപ്പെടുകയായിരുന്നെന്നുമാണ് ഗായത്രി പറയുന്നത്. സിനിമയ്ക്ക് കൂടുതല് ദിനങ്ങള് വേണമെന്നത് ചില നായികാ വേഷങ്ങള് പോലും തട്ടിത്തെറിപ്പിച്ചു കളഞ്ഞത്രേ. എന്നാല് ഈ സിനിമയ്ക്ക് വേണ്ടി വെറും പത്തു ദിവസങ്ങള് മാത്രമായിരുന്നു. പോലീസ് വേഷത്തില് താന് തറയ്ക്കപ്പെട്ടിരിക്കുകയാണെന്നും പരമ്പരയിലായാലും സിനിമയിലായാലും തനിക്ക് പോലീസ് വേഷമാണെന്നും ഗായത്രിക്ക് പരിഭവമുണ്ട്.
https://www.facebook.com/Malayalivartha
