ഇഷ്ടപ്പെട്ട നടിമാരെക്കുറിച്ചുള്ള ഇഷ്ടങ്ങള് വെളിപ്പെടുത്തി മോഹന്ലാല്
മോഹന്ലാല് അനേകം സിനിമകളില് നിരവധി നായികമാര്ക്കൊപ്പം അഭിനയിച്ചിട്ടുണ്ട്. അതും നിരവധി വ്യത്യസ്ത വേഷങ്ങള്. എന്നാല് ലാല് ഏത് നായികക്കൊപ്പം അഭിനയിക്കുന്നതാണ് കൂടുതല് ഇഷ്ടപ്പെടുകയും ആസ്വദിക്കുകയും ചെയ്തിട്ടുള്ളത്. നിരവധിത്തവണ ഉയര്ന്നിട്ടുള്ള ചോദ്യമാണിത്. ഒടുവില് താരം ആ സത്യം വെളിപ്പെടുത്തിയിരിക്കുകയാണ് ഇപ്പോള്. മോഹന്ലാലിന്റെ കൂടെ ഏറ്റവും മികച്ച വേഷങ്ങള് കൈകാര്യം ചെയ്ത നടിമാരാണ് ശോഭനയും മഞ്ജുവാര്യരും. ഇവരില് തനിക്ക് ഏറ്റവും ഇഷ്ടം ആരെയാണെന്ന് ഒരു സിനിമാ മാഗസിന് നല്കിയ അഭിമുഖത്തില് മോഹന്ലാല് വെളിപ്പെടുത്തി.
കൂടെ അഭിനയിക്കുമ്പോള് താന് ഏറ്റവും കൂടുതല് കംഫര്ട്ടബിള് ശോഭനയ്ക്കൊപ്പമാണെന്ന് മോഹന്ലാല് പറയുന്നു. നേരത്തെയും പല അഭിമുഖത്തിലും മോഹന്ലാല് ഇക്കാര്യം പറഞ്ഞിട്ടുണ്ട്. എങ്കില് തന്റെ ഇഷ്ട നടി മഞ്ജുവാര്യര് തന്നെയാണെന്നും ലാല് പറഞ്ഞതായി മംഗളം റിപ്പോര്ട്ട് ചെയ്യുന്നു.
മഞ്ജുവിന്റെ കൂടെ മോഹന്ലാല് അഭിനയിച്ചത് നാലു സിനിമകളിലാണ്. ആറാംതമ്പുരാന്, കന്മദം, എന്നും എപ്പോഴും എന്നീ ചിത്രങ്ങളില് നായികയായും സമ്മര് ഇന് ബത്ലേഹിമില് അതിഥിതാരമായും ലാല് എത്തി. മിന്നാരം, തോന്മാവിന് കൊമ്പത്ത്, പവിത്രം, മായാമയുരം, വെള്ളാനകളുടെ നാട് തുടങ്ങി 20ഓളം ചിത്രങ്ങളിലാണ് മോഹന്ലാലും ശോഭനയും ഒന്നിച്ച് അഭിനയിച്ചത്. അതാകട്ടെ മലയാളി എക്കാലവും ഹൃദയത്തില് സൂക്ഷിക്കുന്ന ചിത്രങ്ങളും. നാഗവല്ലിയായുള്ള ശോഭനയുടെ അഭിനയം ഇന്ത്യന് സിനിമയെത്തന്നെ ഞെട്ടിച്ചിട്ടുള്ളതാണ്.
https://www.facebook.com/Malayalivartha
