ഇന്നസെന്റ് മരിച്ചെന്ന് പറഞ്ഞ് വീണ്ടും സോഷ്യല്‍ മീഡിയയില്‍ പ്രചരണം; പൊലീസില്‍ പരാതിപ്പെട്ട് നടന്‍
മരിക്കാത്തവരെ മരിപ്പിക്കുന്ന സോഷ്യല്‍ മീഡിയ. സിനിമാ നടനും ചാലക്കുടി എംപിയുമായ ഇന്നസെന്റ് മരിച്ചെന്ന് മരിച്ചെന്ന് സോഷ്യല്‍ മീഡിയ വ്യാജപ്രചരണം. സാമൂഹിക മാദ്ധ്യമങ്ങളില്‍ തന്റെ പേരില്‍ പ്രചരിക്കുന്ന വ്യാജവാര്‍ത്തകള്‍ക്ക് പിന്നില്‍ പ്രവര്‍ത്തിക്കുന്നവരെ കണ്ടെത്തണമെന്നാവശ്യപ്പെട്ട് ഇന്നസന്റ് എംപി മുഖ്യമന്ത്രിക്ക് പരാതി നല്‍കി.
പൊലീസ് അന്വേഷണത്തിലൂടെ വ്യാജപ്രചാരണത്തിന് ഉത്തരവാദികളെ കണ്ടെത്തണമെന്ന് അദ്ദേഹം പരാതിയില്‍ ആവശ്യപ്പെട്ടു. ഇന്നസന്റ് എംപി മരണമടഞ്ഞതായി പ്രചരിപ്പിച്ച് കൊണ്ടുള്ള വാട്‌സാപ്, ഫേസ്ബുക് സന്ദേശങ്ങള്‍ രണ്ടാം തവണയും സാമൂഹിക മാദ്ധ്യമങ്ങളിലൂടെ പ്രചരിച്ചതോടെയാണ് അദ്ദേഹം പരാതി നല്‍കിയത്. ഒരു മാസം മുന്‍പ് ഇത്തരത്തില്‍ പ്രചാരണം നടത്തിയതിനെ തുടര്‍ന്ന് വാര്‍ത്ത അടിസ്ഥാനരഹിതമാണെന്ന് അദ്ദേഹം പരസ്യ പ്രസ്താവന നടത്തിയിരുന്നു. ഇതിനുശേഷവും തെറ്റായ വാര്‍ത്ത പ്രചരിക്കുന്ന സാഹചര്യത്തിലാണ് വാര്‍ത്തയുടെ ഉറവിടം കണ്ടെത്തണമെന്നാവശ്യപ്പെട്ട് എംപി മുഖ്യമന്ത്രിക്ക് പരാതി നല്‍കിയത്. ഇത്തരം വാര്‍ത്ത പ്രചരിപ്പിക്കുന്നവര്‍ക്ക് എന്ത് മാനസിക സന്തോഷമാണാവോ ലഭിക്കുന്നത്. പൊതു ജനം പലവിധം അത്ര തന്നെ.
https://www.facebook.com/Malayalivartha
