കസബയ്ക്ക് ശേഷം മമ്മൂട്ടി നായകനായി എത്തുന്ന ചിത്രമാണ് വൈറ്റ്. ജൂലൈ 29ന് ചിത്രം തിയേറ്ററുകളില്‍ പ്രദര്‍ശനത്തിനെത്തും. ലണ്ടനിലുള്ള ശതകോടീശ്വരനായ പ്രകാശ് റോയ് എന്ന മദ്ധ്യ വയസ്‌കന്റെ ജീവിതത്തിലേക്ക് റോഷ്ണി മേനോന്‍ എന്ന പെണ്‍കുട്ടി കടന്ന് വരുന്നതും തുടര്‍ന്നുണ്ടാകുന്ന സംഭവങ്ങളുമാണ് വൈറ്റ്. ചിത്രം ജൂലൈ 29ന് തിയേറ്ററുകളില്‍ പ്രദര്‍ശനത്തിനെത്തും.

മമ്മൂട്ടിയുടെ പുതിയ ചിത്രമായ വൈറ്റിന്റെ രണ്ടാം ടീസര്‍ ആരാധകരില്‍ ആകാംക്ഷ നിറച്ചിരിക്കുകയാണ്. മമ്മൂട്ടിയുടെ കഥാപാത്രം ഹുമാ ഖുറേഷിയുടെ കഥാപാത്രത്തോട് ഉമ്മ ചോദിക്കുന്ന രംഗമാണ് ടീസറില്‍ പുറത്തു വന്നിരിക്കുന്നത്.

റോഷ്ണി മേനോന്‍ എന്നൊരു 25കാരിയുടെ റോളിലാണ് ഹുമ അഭിനയിക്കുന്നത്. ഇവര്‍ തമ്മിലുള്ള പ്രണയമാണ് ചിത്രത്തിന്റെ ഇതിവൃത്തം. ഉദയ് ആനന്ദനാണ് ചിത്രം സംവിധാനം ചെയ്യുന്നത്.
2007ല്‍ പുറത്തിറങ്ങിയ പ്രണയകാലം എന്ന ചിത്രത്തിന് ശേഷം ഇതാദ്യമായാണ് ഉദയ് അനന്തന്‍ ഒരു മുഴുനീള ചിത്രം സംവിധാനം ചെയ്യുന്നത്.

കേരള കഫെ എന്ന സിനിമയുടെ അവസാന ഭാഗത്തുള്ള മൃത്യുഞ്ജയം സംവിധാനം ചെയ്തതും ഉദയ്യായിരുന്നു.മലയാളത്തില്‍ നിന്ന് കൂടാതെ അന്യഭാഷയില്‍ നിന്നും ചിത്രത്തിന് പിന്തുണയുമായി ഒട്ടേറെ പേര്‍ എത്തുന്നുണ്ട്. കഴിഞ്ഞ ദിവസം ബോളിവുഡ് താരം ജോണ്‍ എബ്രഹാം ഫേസ്ബുക്കിലൂടെ വൈറ്റിന് പിന്തുണ അറിയിച്ച് എത്തിയത് വാര്‍ത്തയായിരുന്നു.