സ്വന്തം പേരില് സിനിമ ഇറങ്ങിയാല് ആരായാലും ഷെയര് ചെയ്യില്ലേ, ഒറിജിനല് പൗലോ കൊയ്ലോ തന്നെ കൊച്ചൗവ്വ പൗലോ അയ്യപ്പ കൊയ്ലോയുടെ പോസ്റ്റര് ഷെയര് ചെയ്തിരിക്കുകയാണ്
സ്വന്തം പേരിലിറങ്ങിയ ചിത്രത്തിന്റെ പോസ്റ്റര് ട്വിറ്ററിലൂടെ ഷെയര് ചെയ്തിരിക്കുകയാണ് വിഖ്യാത എഴുത്തുകാരന് പൗലോ കൊയ്ലോ. സിദ്ധാര്ഥ് ശിവ സംവിധാനം ചെയ്യുന്ന ഏറ്റവും പുതിയ ചിത്രമാണ് കൊച്ചൗവ്വ പൗലോ അയ്യപ്പ കൊയ്ലോ. ചിത്രത്തില് കുഞ്ചാക്കോ ബോബനാണ് നായകനായെത്തുന്നത്.
ജാതിയുടേയും മതത്തിന്റേയും ഭാഷയുടേയും ദൂരത്തിന്റേയും അതിര്വരമ്പുകളെ ഭേദിച്ച് ലോകമെമ്പാടുമുള്ള പുസ്തക പ്രേമികളുടെ മനസ്സില് ചിരപ്രതിഷ്ഠ ഉറപ്പിച്ച ബ്രസീലിയന് എഴുത്തുകാരനാണ് പൗലോ കൊയ്ലോ.
ആല്കെമിസ്റ് എന്ന രചനയിലൂടെ ഏറ്റവുമധികം ഭാഷകളിലേക്ക് വിവര്ത്തനം ചെയ്യപ്പെട്ട ഗ്രന്ഥത്തിന്റെ കര്ത്താവെന്ന നിലയില് ഗിന്നസ് ബുക്കില് ഇടം നേടിയ എഴുത്തുകാരനാണ് പൗലോ കൊയ്ലോ. പൗലോ കൊയ്ലോയുടെ ഗ്രന്ഥങ്ങള് 160 രാജ്യങ്ങളിലായി 13 കോടിയിലധികം കോപ്പികള് വിറ്റഴിഞ്ഞിട്ടുണ്ട്.
സിദ്ധാര്ഥ് ശിവ സംവിധാനം ചെയ്യുന്ന ചിത്രത്തിന്റെ തിരക്കഥയും സിദ്ധാര്ഥ് തന്നെയാണ് നിര്വഹിച്ചിരിക്കുന്നത്. തന്റെ ആദ്യ സിനിമ മുതല് ദേശീയ സിനിമ ലോകത്തു ശ്രദ്ധ നേടിയ ആളാണ് സിദ്ധാര്ഥ് ശിവ. കാനഡയില് നടക്കുന്ന പ്രശസ്തമായ മോണ്ട്രീയല് ഇന്റര്നാഷണല് ഫിലിം ഫെസ്റ്റിവലില് സിദ്ധാര്ഥ് സംവിധാനം ചെയ്ത ചതുരം എന്ന ഹൃസ്വ ചിത്രം തിരഞ്ഞെടുത്തിരുന്നു. കൂടാതെ കുറെ നാളുകള്ക്കു ശേഷം പൂട്ടിക്കിടക്കുകയായിരുന്ന ഉദയ സ്റ്റുഡിയോയുടെ തിരിച്ചു വരവ് കൂടിയാണ് കൊച്ചൗവ്വ പൗലോ അയ്യപ്പ കൊയ്ലോ. കെപിഎസ്സി ലളിത, മുകേഷ്,സൂരജ് വെഞ്ഞാറമൂട്, അജു വര്ഗീസ് തുടങ്ങിയവരും ചിത്രത്തില് മുഖ്യ വേഷത്തിലെത്തുന്നുണ്ട്.
https://www.facebook.com/Malayalivartha
