മീ ടുവിനെതിരെ വിമര്ശനവുമായി നടന് ബൈജു
സിനിമാ മേഖലയിലെ വിവാദ വിഷയമാണ് മീ ടുവിനെതിരെ വിമര്ശനവുമായി നടന് ബൈജു രംഗത്ത്. ഇപ്പോള് ഏതൊരു സ്ത്രീക്കും ആരെയും കേസില് പെടുത്താം എന്ന നിലയിലെത്തിയിരിക്കുകയാണ് കാര്യങ്ങള് എന്ന് താരം പറഞ്ഞു. ശാരീരികമായ ചൂഷണങ്ങള്ക്ക് വിധേയമായതിനെക്കുറിച്ചു പല നടിമാരും തുറന്നു പറച്ചിലുമായി രംഗത്ത് എത്തിക്കഴിഞ്ഞു.
എന്നാല് പരസ്പരസമ്മതപ്രകാരം ശാരീരിക ബന്ധത്തില് ഏര്പ്പെട്ടതിനു ശേഷം പിന്നീടു വിളിച്ചുപറയുന്നതിനോടു തനിക്ക് യോജിപ്പില്ലെന്ന് താരം തുറന്നു പറയുന്നു. മഞ്ജുവാര്യരെ പോലുള്ള നടിമാര് എന്തുകൊണ്ടാണ് ഡബ്ല്യു.സി.സിയുമായി സഹകരിക്കാത്തതെന്നു കൂടി പരിശോധിക്കേണ്ടതാണെന്നും ഒരു സ്ത്രീ പ്രതികരിച്ചാല് കണ്ടം വഴിയോടുന്ന പുരുഷന്മാരെ ഇവിടെ ഉള്ളൂവെന്നും ബൈജു കൂട്ടിച്ചേര്ത്തു.
നായക താരങ്ങളുടെ പേരിലാണ് സിനിമകള് മാര്ക്കറ്റ് ചെയ്യപ്പെടുന്നതെന്നും അതു കൊണ്ടു തന്നെ അവര്ക്കിഷ്ടമുള്ള നടിമാരെയും നടന്മാരെയും ടെക്നീഷ്യന്സിനെയും സിനിമയ്ക്കായി തിരഞ്ഞെടുക്കുന്നതില് അപാകതയില്ലെന്നും അദ്ദേഹം പറഞ്ഞു.
https://www.facebook.com/Malayalivartha