നടിയെ ആക്രമിച്ച കേസില് ദിലീപിന്റെ ഹര്ജി നാളെ പരിഗണിക്കും; ദിലീപിന് വേണ്ടി മുന് അറ്റോര്ണി ജനറല് മുകുള് റോത്തഗിയാണ് ഹാജരാവുന്നത്
കൊച്ചിയില് നടിയെ ആക്രമിച്ച കേസില് ദിലീപ് സമര്പ്പിച്ച ഹര്ജി സുപ്രീംകോടതി നാളെ പരിഗണിക്കും. ദിലീപിന് വേണ്ടി മുന് അറ്റോര്ണി ജനറല് മുകുള് റോത്തഗിയാണ് ഹാജരാവുന്നത്. ദൃശ്യങ്ങള് അടങ്ങുന്ന മെമ്മറി കാര്ഡിന്റെ പകര്പ്പിനായാണ് ദിലീപ് ഹര്ജി സമര്പ്പിച്ചത്. കാര്ഡിന്റെ പകര്പ്പ് ദിലീപിന് നിയമപരമായി നല്കാനാകുമോയെന്നാണ് സുപ്രീം കോടതി പരിശോധിക്കുന്നത്.
കഴിഞ്ഞ തവണ വാദം കേട്ട കോടതി ഐടി ആക്റ്റ് അടക്കമുള്ള നിയമങ്ങള് പ്രകാരം മെമ്മറി കാര്ഡ് ലഭിക്കാന് പ്രതിക്ക് അവകാശം ഉണ്ടോയെന്ന് ബോധ്യപ്പെടുത്താന് ദിലീപിന്റെ അഭിഭാഷകന് നിര്ദ്ദേശം നല്കിയിട്ടുണ്ട്.
തന്റെ നിരപരാധിത്വം തെളിയിക്കാന് കാര്ഡ് ലഭ്യമാക്കണമെന്നായിരുന്നു ദിലീപിന്റെ വാദം.
മെമ്മറി കാര്ഡിലെ ദൃശ്യങ്ങള് എഡിറ്റ് ചെയ്തതാണെന്ന വിചാരണക്കോടതിയിലേയും ഹൈക്കോടതിയിലേയും വാദങ്ങള് ദിലീപ് സുപ്രീംകോടതിയിലും ഉന്നയിച്ചിട്ടുണ്ട്. ജസ്റ്റിസ്മാരായ എ എം ഖാന്വില്ക്കര്, അജയ് റസ്തോഗി എന്നിവരുടെ ബെഞ്ചാണ് ഹര്ജി പരിഗണിക്കുന്നത്.
https://www.facebook.com/Malayalivartha
