കൊച്ചിയിൽ വീര്യം കൂടിയ മയക്കുമരുന്നുമായി സീരിയല് നടിയെയും, ഡ്രൈവറെയും പോലീസ് പിടികൂടി: വിൽപ്പനയ്ക്ക് പുറമെ മുന്ന് ദിവസത്തിലൊരിക്കൽ വീതം സ്ഥിരമായി നടിയുടെ മയക്കുമരുന്ന് ഉപയോഗവും; ബംഗളൂരുവിൽ നിന്ന് കാറിലെത്തിച്ച മയക്കുമരുന്ന് ക്രിസ്തുമസ് പുതുവത്സര ആഘോഷങ്ങൾ ലക്ഷ്യമിട്ട് എത്തിച്ചത്
കൊച്ചിയിൽ മയക്കുമരുന്നുമായി സീരിയൽ നടി പിടിയിൽ. തിരുവനന്തപുരം തുമ്പ ആറാട്ടുവഴി പുതുവല് പുരയിടത്തില് അശ്വതി ബാബു (22), സഹായിയും ഡ്രൈവറുമായ കോട്ടയം സ്വദേശി പറയന്തറ വീട്ടില് ബിനോ എബ്രഹാം (38) എന്നിവരാണ് കുടുങ്ങിയത്.
അമ്മയോടൊപ്പം അശ്വതി ബാബു താമസിച്ചിരുന്ന കാക്കനാട് പാലച്ചുവട് ഡി.ഡി ഗോള്ഡന് ഗേറ്റ് ഫ്ളാറ്റിന്റെ പാര്ക്കിംഗില് നിന്ന് ഇന്നലെ ഉച്ചയ്ക്ക് രണ്ടുമണിയോടെ തൃക്കാക്കര എസ്.ഐ എ.എന്. ഷാജു, ഷാഡോ എസ്.ഐ ബിബിന് എന്നിവര് ഇരുവരെയും അറസ്റ്റ് ചെയ്യുകയായിരുന്നു. നാല് ഗ്രാം എം.ഡി.എം.എ എന്ന ലഹരിമരുന്നും പിടിച്ചെടുത്തു. നാല് പായ്ക്കറ്റ് അശ്വതിയുടെ പക്കലും ഒരെണ്ണം ബിനോയുടെ പക്കലുമായിരുന്നു. ഗ്രാമിന് 2000 രൂപയാണ് ഇതിന് വില. ബംഗളൂരുവില് നിന്ന് വില്പനയ്ക്കായി ബിനോ എബ്രഹാം കൊണ്ടുവന്നതാണ് എം.ഡി.എം.എ.
അതേ സമയം വിൽപ്പനക്ക് പുറമെ മുന്ന് ദിവസത്തിലൊരിക്കൽ വീതം അശ്വതി സ്ഥിരമായി മയക്കുമരുന്ന് ഉപയോഗിക്കാറുണ്ടെന്നും പൊലീസ് പറഞ്ഞു. കൊച്ചിയിലെ ഡിജെ പാർട്ടികളടക്കമുള്ള ഉന്നത പാർട്ടികളിൽ ഇത്തരം മയക്കുമരുന്ന് വിതരണം ചെയ്തിരുന്നുവെന്നും സാധാരണ മയക്കുമരുന്നിൽ നിന്നും വ്യത്യസ്തമായി 24 മണിക്കൂർ വരെ ഇതിന്റെ ലഹരി നിലനിൽക്കുമെന്നും പൊലീസ് പറയുന്നു. ലോക വ്യാപകമായി വിൽപ്പനയും ഉപയോഗവും നിരോധിച്ച ലഹരിമരുന്നാണ് മെത്തലിൻ ഡയോക്സി മെത്തഫിറ്റമിൻ എന്ന എംഡിഎംഎ.
എറണാകുളത്ത് 200 കോടി രൂപയുടെ മയക്കുമരുന്ന് പിടിച്ച് രണ്ടു മാസം കഴിയുമ്പോഴാണ് ഏറ്റവും വീര്യം കൂടിയ മയക്കുമരുന്നിലൊന്നുമായി സീരിയല് നടി പിടിയിലാകുന്നത്. കൊച്ചിയിൽ മയക്കുമരുന്നുമായി സീരിയൽ നടി പൊലീസ് പിടിയിൽ എന്ന ഞെട്ടിപ്പിക്കുന്ന വാര്ത്ത കഴിഞ്ഞ ദിവസം വൈകുന്നേരത്തോടെയാണ് പുറത്തായത് . തിരുവനന്തപുരം സ്വദേശിനി അശ്വതി ബാബുവാണ് പിടിയിലായത്. നടിയുടെ ഡ്രൈവർ ബിനോയ് എബ്രഹാമിനെയും പിടികൂടി. ഇവരിൽ നിന്നും വിലകൂടിയ എംഡിഎംഎ ഇനത്തിൽപ്പെട്ട മയക്കുമരുന്ന് പൊലീസ് പിടിച്ചെടുത്തു.
അശ്വതി ബാബു മയക്കുമരുന്ന് ഉപയോഗിക്കുന്നുണ്ടെന്നും വിൽപ്പന നടത്തുന്നുവെന്നും പൊലീസിനു രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തിൽ ദിവസങ്ങളായി ഇവർ പൊലീസ് നിരീക്ഷണത്തിലായിരുന്നു. ഇന്നലെ രാവിലെയാണ് കാക്കനാടുള്ള നടിയുടെ ഫ്ലാറ്റിലെത്തി തൃക്കാക്കര പൊലീസ് 3.5 ഗ്രാം എംഡിഎംഎ പിടിച്ചെടുത്തത്. ബാഗ്ലൂരിൽ നിന്നും ഡ്രൈവർ ബിനോയ് വഴിയാണ് അശ്വതി മയക്കുമരുന്ന് കൊച്ചിയിലെത്തിച്ചിരുന്നത്.
https://www.facebook.com/Malayalivartha