സ്ത്രീകളുടെ വസ്ത്രധാരണത്തെ വളരെയധികം പ്രശ്‌നവല്‍ക്കരിച്ചിരിക്കുന്ന സമൂഹത്തിലാണു നാമിന്നു ജീവിക്കുന്നത്. സ്ത്രീകള്‍ എന്തു വസ്ത്രം ധരിക്കണം എന്നു തീരുമാനിക്കാന്‍ അവര്‍ക്കു പോലും അവകാശമില്ലാത്ത കാലം. ലെഗിന്‍സും കുറച്ചധികം ഇറുക്കമുള്ള വസ്ത്രങ്ങളുമൊക്കെ തീര്‍ത്തും മോശമെന്ന കാഴ്ച്ചപ്പാടുകള്‍ ഏറുകയാണ്. ഇതിനെല്ലാമെതിരെ പ്രതികരിച്ചു മുന്നോട്ടു വരുന്നവരും കുറവാണ്. വസ്ത്രധാരണ രീതിയെക്കുറിച്ചു സദാകുറ്റപ്പെടുത്തുന്നവര്‍ക്കു ചുട്ടമറുപടിയുമായി രംഗത്തെത്തിയിരിക്കുകയാണ് നടിയും മോഡലുമായ സലോണി ചോപ്ര.

പുറംവസ്ത്രം ഒരിത്തിരി തെന്നിനീങ്ങി ബ്രായുടെ സ്ട്രാപ്പു കണ്ടാല്‍ പോലും പ്രശ്‌നമാക്കുന്നവര്‍ക്കാണ് സലോണി ബ്രാ ഉയര്‍ത്തിപിടിച്ചു നില്‍ക്കുന്ന ചിത്രത്തിനൊപ്പം സമൂഹമാധ്യമത്തിലൂടെ മറുപടി നല്‍കിയത്. പുരുഷന്മാര്‍ക്കു ഷര്‍ട്ട് ഇല്ലാതെയും ബോക്‌സേഴ്‌സ് ധരിച്ചും പുറത്തിറങ്ങാവുന്ന സാഹചര്യത്തില്‍ സ്ത്രീകളുടെ ബ്രാ പോലും പുറത്തു കാണുന്നതു തെറ്റാണ്. സ്ത്രീകളുടെ ബ്രാ സ്ട്രാപ് കണ്ടാല്‍ പോലും കുറ്റപ്പെടുത്തുന്നവരുണ്ട്. അത്തരത്തിലുള്ള ഒരുപാടു പേരെ താന്‍ കണ്ടിട്ടുണ്ട്. പക്ഷേ അത്തരക്കാരെ നമുക്കൊരിക്കലും ഒറ്റനോട്ടത്തില്‍ കണ്ടെത്താനാവില്ല.

ഇന്‍സ്റ്റഗ്രാമില്‍ ബോള്‍ഡായ മാതൃകകളെ ഫോളോ ചെയ്യുകയും ഫോണില്‍ പോണ്‍ വിഡിയോകള്‍ സൂക്ഷിക്കുന്നവരും ആകും അവര്‍. ഫെമിനിസത്തെക്കുറിച്ചും ആഗോള താപനത്തെക്കുറിച്ചുമെല്ലാം ആധികാരികമായി അവര്‍ സംസാരിക്കുമെങ്കിലും ബ്രാ സ്ട്രാപ് കണ്ടാല്‍ നിയന്ത്രണം നഷ്ടപ്പെടുന്നവരില്‍ ആദ്യം അവരായിരിക്കും. എന്നെങ്കിലും ഇക്കൂട്ടരെ കണ്ടാല്‍ ഒന്നുകില്‍ അവരെ ഡോക്ടറെ കാണാന്‍ ആവശ്യപ്പെടുകയോ അല്ലെങ്കില്‍ അവരോട് സ്വന്തം കാര്യം നോക്കി നടക്കാന്‍ പറയുകയോ ചെയ്യണം സലോണി പറയുന്നു.

ഷോള്‍ഡറുകളെ മറയ്ക്കുന്ന സ്ലീവുകളെപ്പോലെയോ കാലുകളെ മറയ്ക്കുന്ന സ്‌കര്‍ട്ട് പോലെയോ ഒക്കെയാണ് സ്തനങ്ങളെ മറയ്ക്കാന്‍ ഉപയോഗിക്കുന്ന ബ്രായും. സ്തനം എന്ന പദമാണോ ഈ ലോകത്തെ അസ്വസ്ഥമാക്കുന്നത്? അത്രത്തോളം ബലഹീനരാണോ നമ്മുടെ പുരുഷന്മാര്‍? സ്ത്രീകളുടെ സ്തനങ്ങള്‍ വിശുദ്ധമെന്നോ പവിത്രമെന്നോ എന്നൊന്നുമല്ല പറഞ്ഞു വരുന്നത് അതും ശരീരത്തിലെ ഒരു ഭാഗം അത്രയേയുള്ളു. സ്ത്രീകള്‍ പരസ്യമായി ബ്രാ പിടിച്ചു നില്‍ക്കുക പോലുമില്ല. പക്ഷേ എനിക്കതില്‍ യാതൊരു അഭിമാനക്കുറവും തോന്നുന്നില്ല. എനിക്കൊന്നും ഒളിക്കാനില്ല. ഒളിച്ചു വെക്കപ്പെടേണ്ട ഒന്നല്ല അടിവസ്ത്രങ്ങള്‍. അത്തരം സാഹചര്യങ്ങള്‍ അവസാനിപ്പിക്കേണ്ടതുണ്ടെന്നും സലോണികൂട്ടിച്ചേര്‍ക്കുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha