തന്റെ ആരാധകനായ കേരള മുഖ്യമന്ത്രി പിണറായി വിജയനെ കാണാന് സ്റ്റൈല്മന്നല് രജനികാന്ത് എത്തിയേക്കും: കൂടിക്കാഴ്ച കബാലിയുടെ പ്രചാരണത്തിനായി കേരളത്തിലെത്തുമ്പോഴെന്നും സൂചന
ഏറ്റവും പുതിയ ചിത്രമായ കബാലിയുടെ പ്രചാരണത്തിന് കേരളത്തിലെത്തുന്ന സ്റ്റൈല്മന്നല് രജനികാന്ത് അവസരം ലഭിച്ചാല് തന്റെ ആരാധകനായ കേരള മുഖ്യമന്ത്രി പിണറായി വിജയനെ കണ്ടേക്കുമെന്ന് റിപ്പോര്ട്ടുകള്. മോഹന്ലാലിന്റെ ആശിര്വാദ് സിനിമാസും മാക്സ് ലാബും കേരളത്തിലെത്തിയ്ക്കുന്ന കബാലി ജൂലൈയില് ആണ് റിലീസ് ചെയ്യുന്നത്.
റിലീസിന് മുമ്പ് രജനി കേരളത്തില് എത്തുമെന്നാണ് അറിയുന്നത്. രാജ്യത്തിനകത്തും പുറത്തും കോടിക്കണക്കിന് ആരാധകരുള്ള സ്റ്റൈല് മന്നന് മലേഷ്യന് ഭരണാധികാരികളടക്കം നിരവധിപ്പേര് നിലവില് ആരാധകരാണ്. ജപ്പാനിലടക്കം സൂപ്പര്സ്റ്റാര് പരിവേഷമാണ് ആരാധകര് രജനിക്ക് ചാര്ത്തി കൊടുത്തിരിക്കുന്നത്.
കേരള മുഖ്യമന്ത്രി പിണറായി വിജയനെ പൊതുവേ കേരളത്തിനകത്ത് മാത്രമല്ല പുറത്തും കര്ക്കശക്കാരനായ വിട്ടുവീഴ്ചയില്ലാത്ത കമ്മ്യൂണിസ്റ്റ് നേതാവായാണ് അറിയപ്പെടുന്നത്. രജനികാന്തിന്റെ പടങ്ങളാണ് തിരക്കിനിടയിലും താന് ആസ്വദിക്കാറുള്ളതെന്ന് പിണറായി തന്നെ പല അഭിമുഖങ്ങളിലും പറഞ്ഞിരുന്നു.
അച്ഛന് രജനിയുടെ ആരാധകനാണെന്ന് അടുത്തിടെ പ്രമുഖ മാധ്യമത്തിന് നല്കിയ അഭിമുഖത്തില് മകള് വീണയും പറഞ്ഞിരുന്നു. തമിഴ് മാധ്യമങ്ങളില് ഇത് വാര്ത്തയുമായിരുന്നു. ഇതോടെയാണ് അയല് സംസ്ഥാനത്തെ മുഖ്യമന്ത്രി തന്റെ ആരാധകനാണെന്ന് രജനി അറിഞ്ഞത്. കേരളത്തില് ഏതെങ്കിലും പരിപാടിയുമായി ബന്ധപ്പെട്ട് വരേണ്ട സാഹചര്യമുണ്ടായാല് തീര്ച്ചയായും മുഖ്യമന്ത്രി പിണറായിയെ രജനി കാണുമെന്ന് അദ്ദേഹവുമായി ബന്ധപ്പെട്ട കേന്ദ്രങ്ങള് നേരത്തെ വ്യക്തമാക്കിരുന്നു.
താരാരാധന മനസ്സിലുണ്ടെങ്കിലും അങ്ങോട്ട് ചെന്ന് പ്രകടിപ്പിക്കുന്ന ശീലം പിണറായിക്കില്ലാത്തതിനാല് രജനിയുടെ കേരള സന്ദര്ശനം സാധ്യമായാല് അപൂര്വ്വ കൂടിക്കാഴ്ചയ്ക്ക് കളമൊരുങ്ങും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
