മമ്മൂട്ടി ഫാന്‍സുകാര്‍ ഏറെ പ്രതീക്ഷയോടെ കാത്തിരിക്കുന്ന കസബ എന്ന ചിത്രത്തിന്റെ നായികയായ വരലക്ഷ്മിയുടെ കമന്റാണ് ഇപ്പോള്‍ സൈബര്‍ലോകം ചര്‍ച്ചചെയ്യുന്നത്. മമ്മൂട്ടിയെ കണ്ട് ഛര്‍ദ്ദിക്കാന്‍ വന്നു എന്നാണ് വരലക്ഷ്മിയുടെ കമന്റ്. വരലക്ഷ്മി ഉദ്ദേശിച്ചത് വേറൊന്നാണെങ്കിലും പറഞ്ഞതിലുള്ള ആശയക്കുഴപ്പമാണ് പ്രശ്‌നമായത്. ഇത് മമ്മൂട്ടിയോട് പിന്നീട് നായിക തുറന്നു പറയുകയും ചെയ്തു. മമ്മൂട്ടിയുടെ സ്വഭാവം നന്നായറിയുന്ന സഹതാരങ്ങളും സെറ്റിലുള്ളവരും ഇതുകേട്ട് ഒന്നു പകച്ചു പോയി. മമ്മൂട്ടിയുടെ കൈയ്യില്‍ നിന്നും നായിക വാങ്ങിച്ചുപിടിക്കുമെന്ന് പലരും ചിന്തിച്ചു ഉള്ളില്‍ മനപായസം കുടിച്ചു. അപ്പോഴാണ് കസബ നായികയുടെ ദയനീയമായ അടുത്ത ഡയലോഗ് പൂരിപ്പിച്ചത്... പേടിച്ചിട്ടാ മമ്മൂക്കാ ഛര്‍ദ്ദിക്കാന്‍ വന്നത്. ഇതോടെ ദേഷ്യത്താല്‍ ചുവന്നിരുന്ന മമ്മൂട്ടിയുടെ മുഖം തിളങ്ങി അറിയാതെ ചിരിച്ചുപോയി. ഇതോടെ സെറ്റിലും ചിരി പടര്‍ന്നു. മമ്മൂട്ടി രഹസ്യമായി വരക്ഷ്മിയോടായി പറഞ്ഞു. ആരെങ്കിലും ഇതു കേട്ടാല്‍ അടുത്ത ട്രോളിനുള്ള വകയുണ്ടാകും. അതോടെ കൂട്ടച്ചിരിയായി

മലയാളത്തിലെ ചില പ്രയോഗങ്ങള്‍ അങ്ങനെയാണ്. വാക്കുകള്‍ അങ്ങോട്ടുമിങ്ങോട്ടും മാറിയാല്‍ അര്‍ത്ഥമേ മാറിപ്പോകും. ഇവിടെയും അതാണ് സംഭവിച്ചത്. മമ്മൂട്ടിയെ കണ്ട് ഛര്‍ദ്ദിക്കാന്‍ വന്നെന്നു പറഞ്ഞാല്‍ അത്രയും കൊള്ളാത്തവനാണോ മമ്മൂക്കയെന്നു തോന്നും. പക്ഷെ പേടിച്ച് ഛര്‍ദ്ദിക്കാന്‍ വന്നെന്ന് പറയുമ്പോഴോ... അപൂര്‍വമായി പ്രയോഗിക്കുന്ന വാക്കാണ് വരലക്ഷ്മിയെ തെറ്റിച്ചത്

. കസബയുടെ പ്രെമോഷനനിടെ നായിക തന്നെയാണ് തന്റെ മമ്മൂട്ടിപേടിയുടെ കാര്യം വെളിപ്പെടുത്തിയത്. വളരെ ശക്തമായ കഥാപാത്രത്തെയാണു കസബയില്‍ വരലക്ഷ്മി അവതരിപ്പിക്കുന്നത്. നായകനെ കൈ ഉയര്‍ത്തി അടിക്കാനുള്ള ധൈര്യം ആ നായിക കഥാപാത്രത്തിന് ഉണ്ട്. നെടുനീളന്‍ ഡയലോഗുകള്‍ ഒന്നും ചിത്രത്തില്‍ ഇല്ല. പോലീസ് കഥയുടെ എല്ലാ ചേരുവകളുമുള്ള ചിത്രമാണ്. എന്നാല്‍ കസബ കണ്ടു ശീലിച്ച പോലീസ് കഥകളില്‍ നിന്നു വ്യത്യസ്ഥമായിരിക്കും എന്നാണ് മമ്മൂട്ടിയുടെ അഭിപ്രായം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha