ഇളയദളപതി വിജയ് നായകനായെത്തുന്ന അദ്ദേഹത്തിന്റെ അറുപതാം ചിത്രം 'ഭൈരവ' യുടെ ഫസ്റ്റ് ലുക്ക് പോസ്റ്ററുകളെത്തി. അഴകിയ തമിഴ് മകന്‍ സംവിധാനം ചെയ്ത ഭരതനാണ് ഈ ചിത്രം ഒരുക്കുന്നത്. കീര്‍ത്തി സുരേഷ് നായികയായെത്തുന്ന ചിത്രത്തില്‍ ആര്‍.കെ സുരേഷ്, അപര്‍ണ വിനോദ്, ജഗപതി ബാബു, ഡാനിയല്‍ ബാലാജി, ഹരീഷ് ഉത്തമന്‍, സതീഷ് എന്നിവര്‍ കേന്ദ്രകഥാപാത്രങ്ങളെ അവതരിപ്പിക്കും.

സന്തോഷ് നാരായണന്‍ സംഗീത സംവിധാനം ചെയ്യുന്ന ചിത്രത്തിന്റ ക്യാമറ കൈകാര്യം ചെയ്യുന്നത് എം.സുകുമാറാണ്. 2017 ജനുവരിയില്‍ ചിത്രം പുറത്തിറങ്ങുമെന്നാണ് പ്രതീക്ഷ. ആറ്റ്‌ലീ സംവിധാനം ചെയ്ത 'തെരി' ആയിരുന്നു വിജയ് യുടെ അവസാനം പുറത്തിറങ്ങിയ ചിത്രം.