ആന്ധ്രപ്രദേശില്‍ ഗര്‍ഭിണിയാകാനായി പൊക്കിള്‍കൊടി കഴിച്ച 19കാരിക്ക്​ ദാരുണാന്ത്യം. നാദേന്ദ്​ലയിലെ തുബാഡു ഗ്രാമത്തിലാണ്​ സംഭവം.ദാച്ചേപ്പള്ളി സ്വദേശിനിയായ യുവതിയാണ് ദാരുണാന്ത്യം സംഭവിച്ചത്. പൊക്കിള്‍കൊടി ഭക്ഷിച്ചാല്‍ ഗര്‍ഭിണിയാകുമെന്ന്​ നാട്ടുകാര്‍ ചിലര്‍ യുവതിയെ വിശ്വസിപ്പിച്ചിരുന്നു.ഇത് പ്രകാരം യുവതി ഒരു നവജാത ശിശുവിന്‍റെ പൊക്കിള്‍കൊടി ശേഖരിച്ച് വ്യാഴാഴ്ച രാത്രി ഭക്ഷിക്കുകയുമായിരുന്നു.

മണിക്കൂറുകള്‍ക്കകം യുവതിക്ക്​ ശാരീരിക അസ്വസ്​ഥതകള്‍ പ്രകടിപ്പിക്കാൻ തുടങ്ങിയതോടെ നര​സറോപേട്ടിലെ സ്വകാര്യ ആശുപത്രിയില്‍ പ്രവേശിപ്പിച്ചു. എന്നാൽ ചികിത്സയിലിരിക്കെ യുവതി മരണത്തിന് കീഴടങ്ങുകയായിരുന്നു.

മൂന്നുവര്‍ഷം മുമ്പാണ് തുബാഡു സ്വദേശിയായ രവിയെ യുവതി വിവാഹം കഴിച്ചത്. എന്നാൽ വിവാഹം കഴിഞ്ഞ് വർഷങ്ങൾ പിന്നിട്ടിട്ടും കുട്ടികളുണ്ടാകാത്തതിനെ തുടര്‍ന്ന്​ രണ്ടുവര്‍ഷത്തോളമായി കുട്ടികളുണ്ടാകാൻ വേണ്ടി പല നാടന്‍ മരുന്നുകളും പരീക്ഷിച്ച് വരികയായിരുന്നു. പല നാടന്‍ മരുന്നുകളും കഴിച്ചിട്ടും ഫലം കണ്ടിരുന്നില്ല.

തുടർന്ന് നാട്ടുകാര്‍ ചിലര്‍ യുവതിയോട് പൊക്കിള്‍കൊടി കഴിച്ചാൽ കുട്ടികളുണ്ടാകുമെന്ന് പറയുന്നത്. യുവതി ഇത് വിശ്വസിച്ച് ഇതേ തുടര്‍ന്ന്​ 19കാരി ഒരു നവജാത ശിശുവിന്‍റെ പൊക്കിള്‍കൊടി ശേഖരിക്കുകയും ചെയ്തു. ഇത് എങ്ങനെ സംഘടിപ്പിച്ചു നിർദ്ദേശ പ്രകാരം ആരെങ്കിലും യുവതിക്ക് കൊടുത്തതാണോ എന്നൊന്നും വ്യക്തമല്ല. ശേഖരിച്ച നവജാത ശിശുവിന്‍റെ പൊക്കിള്‍കൊടി വ്യാഴാഴ്ച രാത്രി ഭക്ഷിക്കുകയുമായിരുന്നു.

എന്നാൽ ഇത് കഴിച്ച് മണിക്കൂറുകള്‍ക്കകം യുവതിക്ക്​ ശാരീരിക അസ്വസ്​ഥതകള്‍ ആരംഭിക്കാൻ തുടങ്ങുകയായിരുന്നു. തുടര്‍ന്ന്​ നര​സറോപേട്ടിലെ സ്വകാര്യ ആശുപത്രിയില്‍ പ്രവേശിപ്പിക്കുകയായിരുന്നു.

ആരോ​ഗ്യ നിലമോശമായതിനെ തു‌ടർന്ന് ചികിത്സയിലിരിക്കെ യുവതി മരണത്തിന് കീഴടങ്ങുകയായിരുന്നു. സംഭവത്തെ തു‌ടർന്ന് യുവതിയുടെ മാതാവ്​ പൊലീസ്​ സ്​റ്റേഷനില്‍ പരാതി നല്‍കി. മൃതദേഹം പോസ്റ്റ്​മോര്‍ട്ടത്തിനായി സര്‍ക്കാര്‍ ആശുപത്രിയിലേക്ക്​ മാറ്റിയിരുക്കുകയാണ്. പോസ്​​റ്റ്​മോര്‍ട്ടത്തിന്​ ശേഷം മരണകാരണം വ്യക്തമായാല്‍ കൃത്യമായ നടപടി സ്വീകരിക്കുമെന്ന്​ പൊലീസ്​ അറിയിച്ചു.

ഗര്‍ഭിണിയാകാന്‍ പൊക്കിള്‍കൊടി ഭക്ഷിക്കുന്നത്​ അശാസ്​ത്രീയ​മാണെന്ന്​ ഗൈനക്കോളജിസ്റ്റ്​ ഡോ. കവിത പറഞ്ഞു. അന്തവിശ്വാസവും അറിവില്ലായ്​മയുമാണ്​ ഇത്തരം അശാസ്​ത്രീയ മാര്‍ഗങ്ങള്‍ സ്വീകരിക്കുന്നതെന്നും അവര്‍ പറഞ്ഞു.