ചേർത്തല വാരനാട്ടെ കുംഭഭരണിയുത്സവത്തോടനുബന്ധിച്ച്  ഗാനമേള അവതരിപ്പിക്കാന്‍ എത്തിയ ഗായകനും നടനുമൊക്കെയായ ബഹുമുഖ പ്രതിഭ വിനീത് ശ്രീനിവാസനോട് ആരാധകർ കാട്ടിയത് അമിതാവേശം. വിനീതിന്റെ പാട്ടു കേള്‍ക്കാനായി ആയിരക്കണക്കിന് ആസ്വാദകരാണ് അമ്പലപ്പറമ്പിൽ തടിച്ചുകൂടിയത്. സ്റ്റുഡിയോയിൽ പാടുന്ന അതേറേഞ്ചിൽ  ഇങ്ങനെയൊക്കെ തകർത്ത് പാടിയാൽ ആരായാലും ഓടിയടുക്കുമെന്ന മാനസികാവസ്ഥയിലായിരുന്നു ഭൂരിപക്ഷം ആസ്വാദകരും.
ആരാധനമൂത്തപ്പോഴേക്കും മൈക്കുകളിലേക്കുള്ള കണക്ഷനുകൾ ചവിട്ടി അരയ്ക്കെപ്പെട്ടു.. ബോക്സുകൾ പ്രവ‍ർത്തന രഹിതമായി...ഗാനമേള പാതിവഴി മുടങ്ങി.. എന്നിട്ടും വിനീത് ശ്രീനിവാസൻ ആരോടും പരിഭവം കാട്ടുകയോ ദേഷ്യപ്പെടുകയോ ചെയ്യാതെ സ്റ്റേജിനു പിന്നിലെ മുറിയിലേക്ക് മടങ്ങുകയായിരുന്നു..സ്റ്റേജ് കയ്യടക്കിയ ആരാധകർ സെൽഫിയും ഗ്രൂപ്പ് ഫോട്ടോകളുമെടുക്കാൻ താരത്തെ വീണ്ടും വളഞ്ഞു..അടുത്ത സിനിമാ ലൊക്കേഷനിലേക്ക് യാത്രയാകാൻ പുലർച്ചെ 2ന് നെടുമ്പാശേരിൽ എത്തണമെങ്കിൽ  വിനീതിന് ഇറങ്ങിഓടാതെ തരമില്ലെന്നായി.അങ്ങനെ  കട്ടും ആക്ഷനും പറയാതെ വിനീത് ശ്രീനിവാസൻ സുപ്പറായി തന്റെ കാറിലേക്ക് ദാ ഇങ്ങനെ ഒരോട്ടം കൊടുത്തു..
വിനീത് ശ്രീനിവാസന്‍ ഓടി രക്ഷപ്പെട്ടു എന്ന പേരില്‍ പ്രചരിക്കുന്ന വീഡിയോ പ്രചരിച്ചതോടെ വിശദാംശവുമായി തിരക്കഥാകൃത്ത് തിരക്കഥാകൃത്ത് സുനീഷ് വാരനാട്. രംഗത്തുവരികയും ചെയ്തു...ഇത്തരം കള്ളപ്രചാരണം . നല്ല കലാകാരനോട് കാണിക്കുന്ന ക്രൂരതയാണ്  എന്നായിരുന്നു അദ്ദേഹത്തിൻ്റെ വിശദീകരണം..