തന്റെ പിതാവ് കാരണം നിരവധി കുട്ടികള്ക്ക് ജീവന് നഷ്ടമായി, അതിലെ ക്രൂരത എനിക്ക് ബോധ്യപ്പെട്ടു!! പേരിനൊപ്പമുള്ള കുടുംബ പേര് തനിക്ക് ഒരുപാട് പ്രശ്നങ്ങളുണ്ടാക്കി; പ്രത്യേകിച്ച് അറബ് ലോകത്ത്, പിതാവിന്റെ ചെയ്തികള്ക്ക് മാപ്പ് ചോദിച്ച് ഒസാമ ബിന്ലാദന്റെ മകന്
അച്ഛന്റെ ചെയ്തികള്ക്കു മാപ്പ് അപേക്ഷിക്കുന്നുവെന്നും ഇസ്രയേല് സന്ദര്ശിക്കാന് അഗ്രഹിക്കുന്നെന്നും ഒസാമ ബിന് ലാദന്റെ മകന് ഒമര്. ലാദന്റെ കാലശേഷം ഭീകര സംഘടനയായ അല് ഖായ്ദയുടെ നേതൃസ്ഥാനം താന് ഏറ്റെടുക്കുമെന്നാണു കരുതപ്പെട്ടതെന്നും എന്നാല് താന് അതു നിരാകരിക്കുകയായിരുന്നെന്നും ഇസ്രയേല് ദിനപത്രത്തോട് ഒമര് പറഞ്ഞു.
തന്റെ പിതാവ് കാരണം നിരവധി കുട്ടികള്ക്ക് ജീവന് നഷ്ടമായി. അതിലെ ക്രൂരത എനിക്ക് ബോധ്യപ്പെട്ടുവെന്നും ഒമര് പറയുന്നു. തന്റെ പിതാവ് തന്റെ മക്കളെ സ്നേഹിക്കുന്നതിനേക്കാള് ശത്രുക്കളെ വെറുത്തു.
പാഴാക്കിയ ജീവിതത്തെ ഓര്ത്തു ഞാന് ദുഖിക്കുന്നു. തന്നോടും സഹോദരങ്ങളോടും രക്തസാക്ഷികളാവാന് പിതാവ് ആവശ്യപ്പെട്ടു. അങ്ങനെ മനസ്സുമടുത്താണ് അഫ്ഗാന് വിട്ടതെന്ന് ഒമര് പറഞ്ഞു.
പേരിനൊപ്പമുള്ള കുടുംബ പേര് ഒരുപാട് തനിക്ക് പ്രശ്നങ്ങളുണ്ടാക്കിയിട്ടുണ്ട്. പ്രത്യേകിച്ച് അറബ് ലോകത്തെന്നും ഒമര് പറഞ്ഞു. ഭാര്യയുമൊത്ത് ഇസ്രയേല് സന്ദര്ശിക്കണമെന്ന് ആഗ്രഹിക്കുന്നതായും ഒമര് പറഞ്ഞു. നിലവില് പാരിസിലാണ് ഇരുവരും താമസിക്കുന്നത്.
https://www.facebook.com/Malayalivartha
