ഭക്ഷ്യക്ഷാമത്തിൽ അഫ്ഗാനിസ്ഥാന് മുന്നറിയിപ്പ് നൽകി യു.എൻ. അഫ്​ഗാനില്‍ 2.3 കോടിയാളുകളാണ്​ കടുത്ത പട്ടിണിയില്‍ കഴിയുന്നത്. രാജ്യത്തിലെ ആകെ ജനസംഖ്യയുടെ പകുതിയിൽ കൂടുതൽ ഇതിൽ വരും​. രണ്ടുമാസം മുന്നെ​ 1.4 കോടി ആളുകളായിരുന്നു പട്ടിണിയില്‍ കഴിഞ്ഞിരുന്നത്​. താലിബാന്‍ അധികാരമേറ്റെടുത്തതോടെ ദുരിതം ഇരട്ടി ആക്കുകയായിരുന്നു.

കുട്ടികളുള്‍പ്പെടെ പട്ടിണികിടന്നു മരിക്കും. കാര്യങ്ങള്‍ കൈവിട്ടുപോകുമെന്നും അധികൃതര്‍ ചൂണ്ടി കാണിക്കുകയും ചെയ്തു. 2.3 കോടി ആളുകള്‍ക്ക്​ ഭക്ഷണമെത്തിക്കാന്‍ ചുരുങ്ങിയത്​ 22 കോടി ഡോളറിന്റെ സഹായം ആണ്​ യു.എന്‍ ഭക്ഷ്യ ഏജന്‍സി ആവശ്യപ്പെട്ടിരിക്കുന്നത്​. താലിബാന്‍ ഭരണം പിടിച്ചെടുക്കുന്നതിനുമുന്നെ ​ കാലാവസ്ഥവ്യതിയാനം മൂലം രാജ്യം ഭക്ഷ്യക്ഷാമം നേരിട്ടിരുന്നു.