മാരിയൂപോള്‍ പിടിച്ചടക്കിയ റഷ്യയുടെ അടുത്ത ലക്ഷ്യം ഡോണ്‍ബാസാണ് മെയ് 9ന് മുമ്പ് റഷ്യ അതും പിടിച്ചടക്കും. കാരണം മെയ് 9ന് വന്‍ വിജയാഘോഷമാണ് റഷ്യ ഒരുക്കിയിരിക്കുന്നത്. മെയ് 9 ന് വരുന്ന വിക്ടറി ഡേ പൊളിച്ചടുക്കാന്‍ തന്നെയാണ് റഷ്യയുടെ തീരുമാനം. തങ്ങളുടെ രണ്ടാം ഘട്ട യുദ്ധം വിജയമാണെന്നാണ് റഷ്യ കണക്കു കൂട്ടുന്നത്. പല മേഘലകളിലായി ചിതറിക്കിടന്നിരുന്ന സൈന്യത്തെ കിഴക്കന്‍ മേഘലയില്‍ ഏകോപിപ്പിച്ചതോടെ അതൊരു ശക്തി തെളിയിക്കലായും വിജയങ്ങളുടെ തുടക്കമാകുകയും ചെയ്തു. എന്തായാലും ഡോണ്ബാസും പിടിച്ചടക്കുന്നതോടെ ലക്ഷ്യം പൂര്‍ത്തിയായെന്ന പ്രഖ്യാപനം നടത്തി വിജയാഘോഷങ്ങള്‍ പൊലിപ്പിക്കാന്‍ തന്നെയാണ് റഷ്യയുടെ തീരുമാനം. ഇതിനോടകം തന്നെ വിജയ ദിനാഘോഷങ്ങള്‍ക്കുള്ള ഒരുക്കങ്ങളും റഷ്യന്‍ സൈന്യം ആരംഭിച്ചുകഴിഞ്ഞു. ഈ ഒരുക്കങ്ങളുടെ ദൃശ്യങ്ങളുടെ ചില വീഡിയോ ദൃശ്യങ്ങളും ഇതിനടകം തന്നെ പുറത്തു വന്നു കഴിഞ്ഞു. റഷ്യയുടെ തലസ്ഥാനമായ റിംഗ് റോഡില്‍ സൈനിക വാഹനങ്ങളുടെ ഒരു വന്‍ വ്യൂഹതന്നെ കടന്നു പോകുന്നതായി കാണാം.

1941 നും 1945 നും ഇടയില്‍ നടന്ന യുദ്ധത്തില്‍ നാസി ജര്‍മ്മനിക്കെതിരായ സോവിയറ്റ് യൂണിയന്റെ വിജയം ഓര്‍മപ്പെടുത്തുന്ന ദിനം കൂടിയാണ് മെയ് 9 അന്നുതന്നെ ഒരുപക്ഷേ യുക്രൈനിലെ റഷ്യയുടെ വിജയ പ്രഖ്യാപനവും ഉണ്ടാകും എന്നാണ് യുദ്ധ വിദഗ്ദരുടെ വിലയിരുത്തല്‍. റഷ്യന്‍ പ്രതിരോധ മന്ത്രാലയത്തിന്റെ അഭിപ്രായത്തില്‍, സൈനിക വാഹനങ്ങളെ മുഴുവന്‍ അണിനിരത്തിയുള്ളൊരു പ്രകടനമായിരിക്കും അത്. റെഡ് സ്‌ക്വയറിലെ വിക്ടറി ഡേ പരേഡ് മോസ്‌കോയ്ക്ക് പുറത്തുള്ള അലബിനോ ടെസ്റ്റിംഗ് ഗ്രൗണ്ടില്‍ നിന്ന് റഷ്യയുടെ തലസ്ഥാനമായ പെചാറ്റ്‌നിക്കിയിലേക്കും ആഘോഷ പരേഡ് സംഘടിപ്പിക്കപ്പെടുക. 100 ലധികം സൈനിക വാഹനങ്ങള്‍, ടൈഫൂണ്‍ കവചിത വാഹനങ്ങള്‍, എസ്400 ട്രയംഫ് വിമാനവേധ മിസൈല്‍ സംവിധാനം, യാര്‍സ് മിസൈല്‍ സംവിധാനം, സാങ്കേതിക പിന്തുണയ്ക്കുള്ള പ്രത്യേക വാഹനങ്ങള്‍ എന്നിവയെ എല്ലാം ഉള്‍പ്പെടുത്തിയായിരിക്കും ആഘോഷം. ഇതൊരു ആഘോഷം മാത്രമായിരിക്കില്ല. യുക്രൈന്‍ യുദ്ധ മുഖത്ത് കരുത്ത് തെളിയിച്ച ആയുധങ്ങളുടെ പ്രദര്‍ശനം കൂടിയായിരിക്കും. എന്നാല്‍ റഷ്യയില്‍ മാത്രമല്ല. ലോകമെമ്പാടുമുള്ള 100 ലധികം രാജ്യങ്ങളില്‍ വിജയദിനാഘോഷങ്ങള്‍ നടക്കുമെന്നാണ് റഷ്യന്‍ വിദേശകാര്യ മന്ത്രാലയത്തിന്റെ വകുപ്പ് ഡയറക്ടര്‍ അലക്‌സാണ്ടര്‍ നൂരിസാഡെ മാധ്യമങ്ങളെ അറിയിച്ചത്. 2021ല്‍ റഷ്യ മോസ്‌കോയിലെ റെഡ് സ്‌ക്വയറില്‍ വിക്ടറി ഡേ പരേഡ് നടത്തിയിരുന്നു, അതില്‍ ഏകദേശം 12,000ലധികം സൈനികരും 190 സൈനിക, പ്രത്യേക ഹാര്‍ഡ്‌വെയര്‍ ഇനങ്ങളും 76 വിമാനങ്ങളും ഹെലികോപ്റ്ററുകളുമാണ് പങ്കെടുത്തത്.

ഇത്തവണ ഈ പ്രത്യേക സാഹചര്യത്തില്‍ റഷ്യ ഏതൊക്കെ ആയുധങ്ങളാകും അണിനിരത്തുക എന്നത് കണ്ടു തന്നെ അറിയണം. എന്തായാലും കഴിഞ്ഞ ദിവസം ലോകത്തെ മുഴുവന്‍ വിറപ്പിച്ച സാത്താന്‍ 2 എന്ന വിശേഷണമുള്ള ഭൂഖണ്ഡാനന്തര ബാലിസ്റ്റിക് മിസൈല്‍ ഉണ്ടാകാനുള്ള സാധ്യത ഏറെയാണ്.

അതേസമയം ഏപ്രില്‍ 21 ന്, ബ്രിട്ടന്‍ പ്രതിരോധ മന്ത്രാലയം ഉക്രെയ്‌നിലെ നിലവിലെ സാഹചര്യത്തെക്കുറിച്ചുള്ള ഏറ്റവും പുതിയ ഇന്റലിജന്‍സ് അപ്‌ഡേറ്റ് അനുസരിച്ച് മെയ് 9 ന് വാര്‍ഷിക വിജയദിന ആഘോഷങ്ങള്‍ക്ക് മുന്നോടിയായി 'പ്രധാനമായ വിജയങ്ങള്‍' ഉറപ്പിക്കാന്‍ റഷ്യ ശ്രമിക്കും എന്ന് തന്നെയാണ്. പക്ഷേ വിജയ പ്രഖ്യാപനം ഈ തീയതിക്ക് മുമ്പായി അവര്‍ എത്ര വേഗത്തിലും ശക്തമായും പ്രവര്‍ത്തനങ്ങള്‍ നടത്തും എന്നതിനെ ബാധിക്കും എന്നതിനെ ആശ്രയിച്ചായിരിക്കും. ഉക്രെയ്‌നിലെ റഷ്യന്‍ സൈനിക ആക്രമണം 58 ാം ദിവസവും തുടരുകയാണ്. നിലവില്‍ ഏറ്റവും വലിയ നഷ്ടം യുക്രൈന് തന്നെയാണ് ഇനിയൊരു പുതിയ യുക്രൈനെ രൂപപ്പെടുത്തി എടുക്കേണ്ട അവസ്ഥയിലാണ് ആ രാജ്യം .എന്നാല്‍ റഷ്യയ്ക്ക് അവരുടെ ആയുധപ്പുരയിലും സൈനീക ബലത്തിലും വലിയ ചോര്‍ച്ച ഉണ്ടാക്കിക്കൊടുത്തു. യുദ്ധം ചെയ്യുന്ന രണ്ട് രാജ്യങ്ങള്‍ തമ്മിലുള്ള എത്രമാത്രം മരണത്തിനും നാശത്തിനുമാണ് കാരണമായത് ഇത് ഒഴിവാക്കാമായിരുന്നില്ലേ എന്ന ചോദ്യം ഇനി പ്രസക്തവും അല്ല.