നൈജീരിയയില്‍ എണ്ണ ശുദ്ധീകരണ ശാലയിലുണ്ടായ പൊട്ടിത്തെറിയില്‍ നൂറിലേറെ പേര്‍ മരിച്ചു. റിവേഴ്‌സ് സ്റ്റേറ്റില്‍ അനധികൃതമായി പ്രവര്‍ത്തിച്ച ശുദ്ധീകരണ ശാലയിലാണ് പൊട്ടിത്തെറിയുണ്ടായതെന്ന് പ്രാദേശിക ഭരണകൂടവും പരിസ്ഥിതി സംഘടനകളും അറിയിച്ചു.

തൊഴിലില്ലായ്മയും ദാരിദ്ര്യവും കാരണം നിരവധി പേരാണ് രാജ്യത്ത് ഇത്തരത്തില്‍ അനധികൃതമായി പ്രവത്തിക്കുന്ന എണ്ണ ശാലകളില്‍ തൊഴിലെടുക്കുന്നത്. സ്‌ഫോടനത്തില്‍ എണ്ണാ വാങ്ങാനെത്തിയ നിരവധി വാഹനങ്ങളും കത്തിനശിച്ചു.

സംഭവത്തിനു പിന്നാലെ എണ്ണ ശുദ്ധീകരണ ശാലയുടെ ഉടമ ഒളിവില്‍ പോയതായും അന്വേഷണം ഊര്‍ജിതമാക്കിയതായും സര്‍ക്കാര്‍ അറിയിച്ചു. കഴിഞ്ഞ ഒക്ടോബറില്‍ മറ്റൊരു അനധികൃത എണ്ണ ശുദ്ധീകരണ ശാലയിലുണ്ടായ പൊട്ടിത്തെറിയില്‍ കുട്ടികള്‍ ഉള്‍പ്പെടെ 25 പേര്‍ മരണമടഞ്ഞിരുന്നു.