ഫ്‌ലോറിഡയില്‍ പെരുമ്പാമ്പുകളുടെ എണ്ണം പെരുകുന്നു....ഏറ്റവും വലിയ ബര്‍മീസ് പെരുമ്പാമ്പിനെ കണ്ടെത്തി ദയാവധം നടത്തി,
എവര്‍ഗ്ലേഡിലെ ഒളിഞ്ഞിരിക്കുന്ന സ്ഥലത്ത് നിന്ന് മറ്റൊരു പെരുമ്പാമ്പിനെ ഉപയോഗിച്ചാണ് ഗവേഷകര്‍ ഈ പെണ്‍പെരുമ്പാമ്പിനെ ആകര്‍ഷിച്ചത്.

18 അടി (5.4 മീറ്റര്‍) നീളവും 98 കിലോഗ്രാം ഭാരവുമുള്ള ഒരു പെണ്‍ പാമ്പായിരുന്നു ഇത്. ഇതുവരെ ഫ്‌ലോറിഡയില്‍ കണ്ടെത്തിയ ഏറ്റവും വലിയ പാമ്പിനേക്കാള്‍ 13 കിലോ കൂടുതലാണ് ഇതിന്റെ ഭാരം. 20 മിനിറ്റ് നേരത്തെ പരിശ്രമത്തിന് ശേഷമാണ് ബയോളജിസ്റ്റുകള്‍ക്ക് അതിനെ പിടികൂടാനായത്.

പെറ്റുകളായി സാധാരണ ഇവിടെ പെരുമ്പാമ്പുകളെ വളര്‍ത്താറുണ്ട്. എന്നാല്‍, ഉടമകള്‍ ഒരുഘട്ടം കഴിയുമ്പോള്‍ ഇവയെ എങ്ങോട്ടെങ്കിലും ഇറക്കി വിടുന്നു. അതിനാലും തന്നെ പലയിടങ്ങളിലും പെരുമ്പാമ്പുകളെ കാണാറ് പതിവാണ്്. റേഡിയോ ട്രാന്‍സ്മിറ്റര്‍ ഘടിപ്പിച്ച ഡയോനിസസ് എന്ന ആണ്‍ പെരുമ്പാമ്പിനെ ഉപയോഗിച്ചാണ് ജീവശാസ്ത്രജ്ഞര്‍ അവളെ കണ്ടെത്തിയത്. ഈ പെരുമ്പാമ്പ് ഗര്‍ഭിണിയായിരുന്നു. അതിന്റെ വയറ്റില്‍ 122 മുട്ടകളുണ്ടായിരുന്നു. ഇവിടെ കണ്ടെത്തിയതില്‍ ഏറ്റവും വലിയ ആണ്‍ പെരുമ്പാമ്പിന് 16 അടിയായിരുന്നു നീളം.

പിടികൂടിയ പെണ്‍പെരുമ്പാമ്പിന് 20 വയസ് പ്രായം വരുമെന്ന് കരുതുന്നു. പ്രദേശത്തെ ആവാസവ്യവസ്ഥയിലെ തദ്ദേശീയ ജീവികളെ സംരക്ഷിക്കുന്നതിനായി ഗവേഷകര്‍ 10 വര്‍ഷത്തിലേറെയായി ഫ്‌ലോറിഡയില്‍ പെരുമ്പാമ്പുകളെ വേട്ടയാടുന്നു. 2013 -ല്‍ സ്ഥാപിതമായതു മുതല്‍, സൗത്ത് വെസ്റ്റ് ഫ്‌ലോറിഡയുടെ കണ്‍സര്‍വന്‍സി, തെക്കുപടിഞ്ഞാറന്‍ ഫ്‌ലോറിഡയിലെ 100 ചതുരശ്ര മൈലില്‍ നിന്ന് 1,000 പെരുമ്പാമ്പുകളെ വരെ നീക്കം ചെയ്തിട്ടുണ്ട്.

പെരുമ്പാമ്പുകളെ വേട്ടയാടുന്നതിന് പൊതുജനങ്ങളോട് സഹായം അഭ്യര്‍ത്ഥിച്ച് ഫ്‌ലോറിഡ ഒരു വാര്‍ഷിക മത്സരവും നടത്തുന്നു. 'പൈത്തണ്‍ ചലഞ്ച്' ഓഗസ്റ്റ് 5 മുതല്‍ 14 വരെയാണ് നടക്കുന്നത്. 25 വ്യത്യസ്ത സംസ്ഥാനങ്ങളില്‍ നിന്ന് 600 ഓളം പേരെങ്കിലും ഇതില്‍ പങ്കെടുക്കുമെന്നാണ്  പ്രതീക്ഷിക്കുന്നത്.