തനറെ ജനനസര്‍ട്ടിഫിക്കറ്റില്‍ പേരും ജെന്‍ഡറും മാറ്റണമെന്ന് ആവശ്യപ്പെട്ട് ടെസ്‌ല സി ഇ ഒ എലോണ്‍ മസ്‌കിന്റെ മകള്‍ സമര്‍പ്പിച്ച അപേക്ഷയിൽ അംഗീകരിച്ച് കാലിഫോര്‍ണിയന്‍ കോടതി. തന്റെ പേരും ലിംഗ സ്വത്വവും മാറ്റിത്തരണമെന്ന് ആവശ്യപ്പെട്ട് ലോക കോടീശ്വരന്‍ ഇലോണ്‍ മസ്‌കിന്റെ ട്രാന്‍സ്ജെന്‍ഡറായ മകള്‍ സമര്‍പ്പിച്ച അപേക്ഷയിലാണ് ലോസ് എയ്ഞ്ചലസ് കൗണ്ടി സീപ്പീരിയര്‍ കോടതിതീരുമാനം കൈക്കൊണ്ടിരിക്കുന്നത്. ഉടന്‍ തന്നെ പുതിയ ജനനസര്‍ട്ടിഫിക്കറ്റ് ഇഷ്യൂ ചെയ്യാന്‍ കോടതി ഉത്തരവിട്ടിരിക്കുകയാണ്.

അതേസമയം മസ്‌കിന്റെ മകള്‍ വിവിയാന്‍ ജെന്ന വില്‍സണ്‍ ആണ് പുതിയ പേര് അംഗീകരിക്കണമെന്ന് ആവശ്യപ്പെട്ടുകൊണ്ട് കോടതിയെ സമീപിച്ചിരുന്നത്. സേവ്യര്‍ അലക്സാണ്ടര്‍ മസ്‌ക് (Xavier Alexander Musk) എന്ന പേരിലറിയപ്പെട്ടിരുന്ന മസ്‌കിന്റെ മകനാണ് ഈയടുത്തായി താനൊരു സ്ത്രീയാണെന്ന് പ്രഖ്യാപിച്ചുകൊണ്ട് രംഗത്ത് എത്തിയത്. തന്റെ പേര് വിവിയാന്‍ ജെന്ന വില്‍സണ്‍ എന്നാണെന്നും കോടതിയില്‍ സമര്‍പ്പിച്ച ഹര്‍ജിയില്‍ ഇവര്‍ വ്യക്തമാക്കിയിരുന്നു. പതിനെട്ടാം പിറന്നാളിന്റെ പിറ്റേന്നാണ് തന്റെ പേര് മാറ്റണമെന്ന് ആവശ്യപ്പെട്ട് വിവിയാന്‍ കോടതിക്കുമുമ്പാകെ എത്തിയത്. ആരും എതിര്‍പ്പ് രേഖപ്പെടുത്താത്ത സാഹചര്യത്തില്‍, ജഡ്ജ് റാഫേല്‍ ഓങ്‌ഗെകോയാണ് ഇക്കാര്യം അംഗീകരിച്ച് ഉത്തരവ് പുറപ്പെടുവിച്ചിരിക്കുന്നത്.

കൂടത്തെ തന്റെ പിതാവുമുള്ള അകല്‍ച്ചയും താല്‍പ്പര്യമില്ലായ്മയും അപേക്ഷയില്‍ വിവിയാന്‍ വ്യക്തമാക്കുകയുണ്ടായി. ''ഞാനിനി എന്റെ പിതാവിനൊപ്പം താമസിക്കുകയോ അദ്ദേഹവുമായി ഏതെങ്കിലും തരത്തില്‍ ബന്ധം പലര്‍ത്തുകയോ ചെയ്യുകയില്ല'- എന്നാണ് കോടതിക്കു മുമ്പാകെ വിവിയാന്‍ രേഖപ്പെടുത്തിയിരിക്കുന്നത്.

അതേസമയം കോടതി ഉത്തരവ് പ്രകാരം വിവിയാന് ഇനി മുതല്‍ പിതാവിന്റെ പേര് സ്വന്തം പേരില്‍നിന്നും ഒഴിവാക്കാവുന്നതാണ്. പകരം മാതാവായ കനേഡിയന്‍ എഴുത്തുകാരി ജസ്റ്റിന്‍ വില്‍സന്റെ പേരിലെ വില്‍സന്‍ എന്ന പേര് ഉപയോഗിക്കാനാവുന്നതാണ്. ഈ വിധത്തില്‍ ജനനസര്‍ട്ടിഫിക്കറ്റ് നല്‍കണമെന്നാണ് കോടതി വിധിയില്‍ ചൂണ്ടിക്കുന്നത്.

2000-ലാണ് വിവിയാന്റ മാതാവും എഴുത്തുകാരിയുമായ ജസ്റ്റിന്‍ വില്‍സനെ മസ്‌ക് വിവാഹം ചെയ്യുന്നത്. 2008 വരെ നീണ്ടുനിന്ന ഈ ബന്ധത്തില്‍ തന്നെ അഞ്ച് കുട്ടികളുണ്ടായി. മുതിര്‍ന്ന കുട്ടി നന്നേ ചെറുപ്പത്തില്‍ തന്നെ മരിച്ചു. വിവിയന് ഒരു ഇരട്ടസഹോദരനുമുണ്ട്. ഇത്രകാലവും സേവ്യര്‍ എന്ന പേരില്‍ ആണായാണ് വിവിയാന്‍ കഴിഞ്ഞിരുന്നത്. എന്നാൽ ഈയടുത്താണ് താന്‍ സ്ത്രീയാണെന്നും തന്റെ പേരു മാറുകയാണെന്നും വിവിയാന്‍ അറിയിച്ചത്.

കൂടാതെ ലോക കോടീശ്വരനും ടെസ്‌ല സി ഇ ഒയുമായ എലോണ്‍ മാസ്‌ക് മൂന്ന് തവണ വിവാഹം ചെയ്തിട്ടുമുണ്ട്. നടി റ്റലൂല റിലിയെ രണ്ടു തവണയാണ് മസ്‌ക് വിവാഹം ചെയ്തിരുന്നത്. ഗായികയായ ഗ്രിമിസില്‍ മസ്‌കിന് രണ്ടു കുട്ടികളുമുണ്ട്. കഴിഞ്ഞ ഫാദേഴ്‌സ് ഡേയ്ക്ക് 'എല്ലാ മക്കളെയും വളരെയധികം സ്‌നഹിക്കുന്നു' എന്നായിരുന്നു മസ്‌കിന്റെ ട്വീറ്റ് എന്നത്.