യുഎസില് പിഞ്ചു കുഞ്ഞിനെ എട്ടു വയസ്സുകാരന് വെടിവച്ചു കൊലപ്പെടുത്തി... രണ്ടു വയസ്സുള്ള സഹോദരിക്ക് പരുക്ക്, സംഭവത്തില് പിതാവ് അറസ്റ്റില്
യുഎസില് പിഞ്ചു കുഞ്ഞിനെ എട്ടു വയസ്സുകാരന് വെടിവച്ചു കൊലപ്പെടുത്തി... രണ്ടു വയസ്സുള്ള സഹോദരിക്ക് പരുക്ക്, സംഭവത്തില് പിതാവ് അറസ്റ്റില്
ഫ്ലോറിഡയിലെ മോട്ടല് റൂമിലാണ് സംഭവമുണ്ടായത്. പിതാവിന്റെ തോക്ക് ഉപയോഗിച്ചാണ് എട്ടു വയസ്സുകാരന് പിഞ്ചുകുഞ്ഞിനെതിരെ നിറയൊഴിച്ചത്. മരിച്ച കുഞ്ഞിന്റെ രണ്ടു വയസ്സ് മാത്രം പ്രായമുള്ള സഹോദരിക്ക് വെടിവയ്പ്പില് ഗുരുതര പരുക്കേറ്റു.
ആണ്കുട്ടിയുടെ പിതാവിനെ പൊലീസ് അറസ്റ്റ് ചെയ്തു. കഴിഞ്ഞയാഴ്ചയായിരുന്നു സംഭവം നടന്നത്. കുറ്റകരമായ അശ്രദ്ധ, നിയമവിരുദ്ധമായി തോക്ക് കൈവശം വയ്ക്കല്, തെളിവു നശിപ്പിക്കല് എന്നീ കുറ്റങ്ങള് ചുമത്തിയാണ് റോഡെറിക് റന്ഡാലിനെ (45) അറസ്റ്റ് ചെയ്തത്.
ക്രിമിനല് പശ്ചാത്തലമുള്ളതിനാല് റന്ഡാലിന് തോക്ക് കൈവശം വയ്ക്കാന് അനുമതിയില്ലെന്ന് വ്യക്തമാക്കി പൊലീസ് . കുട്ടിയുമായി തന്റെ പെണ്സുഹൃത്തിനെ കാണാന് മോട്ടലിലെത്തിയപ്പോഴായിരുന്നു ദാരുണ സംഭവം.
പെണ്സുഹൃത്തിന്റെ ഇളയ മകളാണ് കൊല്ലപ്പെട്ടത്. ഇരട്ടകളായ മൂത്ത സഹോദരിമാരില് ഒരാളാണ് വെടിയേറ്റ് ആശുപത്രിയിലുള്ളത്. ഇടയ്ക്ക് റന്ഡാല് പുറത്തുപോയപ്പോഴായിരുന്നു അപകടം.
ഈ സമയത്ത് പെണ്കുട്ടികളുടെ മാതാവ് ഉറക്കത്തിലായിരുന്നു. തോക്ക് ഇരിക്കുന്ന സ്ഥലം അറിയാമായിരുന്ന എട്ടു വയസ്സുകാരന് കളിക്കാനായി അതെടുത്തു. കളിക്കുന്നതിനിടെയാണ് ഒരു വയസ്സുകാരിക്ക് വെടിയേറ്റത്.
" f
https://www.facebook.com/Malayalivartha
