സാങ്കേതിക തകരാര്‍..... ആര്‍ട്ടിമിസിന്റെ വിക്ഷേപണ ദൗത്യം വീണ്ടും മാറ്റി.....റോക്കറ്റില്‍ ഇന്ധനം നിറയ്ക്കുന്നതിനിടെ സാങ്കേതിക തകരാര്‍ കണ്ടെത്തിയതോടെയാണ് മാറ്റി വയ്ക്കാന്‍ തീരുമാനിച്ചത്.


ദൗത്യം മാറ്റിയതായി നാസ ഔദ്യോഗിക ട്വിറ്റര്‍ അക്കൗണ്ടിലൂടെയാണ് അറിയിച്ചത്. തകരാര്‍ പരിഹരിക്കാനുള്ള ശ്രമം വിജയിച്ചില്ലെന്ന് നാസ.
ഇന്ന് രാത്രി 11.47ന് വിക്ഷേപണം നടത്താനിരിക്കെയാണ് പ്രതിസന്ധി നേരിട്ടത്. തകരാര്‍ മൂലം ഓഗസ്റ്റ് 29ന്റെ വിക്ഷേപണം ഇന്നത്തേക്ക് മാറ്റുകയായിരുന്നു.
ആര്‍ട്ടെമിസ് ദൗത്യ പരമ്പര ലക്ഷ്യമിടുന്നത് മനുഷ്യരെ ചന്ദ്രനിലെത്തിക്കാനാണ് . ഈ പരമ്പരയിലെ ആദ്യ ദൗത്യമായ ആര്‍ട്ടെമിസ് 1 ഓഗസ്റ്റ് 29ന് ഫ്‌ലോറിഡയിലെ കെന്നഡി സ്‌പേസ് സെന്ററില്‍ നിന്ന് വിക്ഷേപിക്കാനായിരുന്നു ആദ്യം തീരുമാനിച്ചിട്ടുണ്ടായിരുന്നത്. എന്നാല്‍, റോക്കറ്റിന്റെ 4 കോര്‍ സ്റ്റേജ് എഞ്ചിനുകളില്‍ ഒന്നില്‍ സാങ്കേതിക തകരാര്‍ കണ്ടെത്തിയതിനെ തുടര്‍ന്ന് വിക്ഷേപണം മാറ്റിയ്ക്കുകയായിരുന്നു. പ്രശ്‌നങ്ങള്‍ പരിഹരിച്ച ശേഷം ശനിയാഴ്ച വീണ്ടും വിക്ഷേപിക്കാനായി തീരുമാനിച്ചു. എന്നാല്‍, വീണ്ടും സാങ്കേതിക പിശക് കണ്ടെത്തിയതിനാല്‍ വിക്ഷേപണം പ്രതിസന്ധിയിലാകുകയും ചെയ്തു.

ആര്‍ട്ടെമിസ് 1 പരീക്ഷണാടിസ്ഥാനത്തിലാണ് വിക്ഷേപിക്കുന്നത്. യാത്രക്കാര്‍ക്ക് പകരം പാവകളുണ്ട്. ആദ്യ ദൗത്യം ഓറിയോണ്‍ ബഹിരാകാശ പേടകത്തെ ചന്ദ്രന് ചുറ്റുമുള്ള ഒരു ഭ്രമണപഥത്തില്‍ സ്ഥാപിക്കാനായി ശ്രമിക്കും.


2024 ല്‍ യാത്രക്കാരെ ചന്ദ്രനുചുറ്റും ഭ്രമണം ചെയ്യാനും 2025 ല്‍ ആദ്യ വനിത ഉള്‍പ്പെടെയുള്ള യാത്രക്കാരെ ചന്ദ്രോപരിതലത്തിലേക്ക് എത്തിക്കാനും നാസ പദ്ധതിയിടുന്നുണ്ട്.