എലിസബത്ത് രാജ്ഞിയുടെ ചിത്രത്തോടെയുള്ള ഏകദേശം 450 കോടി കറന്സി നോട്ടുകളാണ് പ്രചാരത്തിലുള്ളത്. ഇതിന്റെ മൂല്യം ഏകദേശം 8000 കോടി പൗണ്ട് വരും. ഏകദേശം രണ്ട് വര്ഷം കൊണ്ട് പഴയ നോട്ടുകള് പൂര്ണമായും പിന്വലിക്കപ്പെടും....ബ്രിട്ടന്റെ കറന്സിയിലും സ്റ്റാമ്പുകളിലും പതാകയിലും എല്ലാം 70 വര്ഷത്തിന് ശേഷം ഇനി മാറ്റം വരുന്നു...ദേശീയ ഗാനത്തിലും പള്ളികളിലെ ഞായറാഴ്ച പ്രാര്ഥനകളിലെ വരികളിലും മാറ്റം വരും...
എലിസബത്ത് രാജ്ഞി വിടവാങ്ങിയതോടെ ഒരു യുഗത്തിന് കൂടിയാണ് അന്ത്യമാകുന്നത്. ബ്രിട്ടന് കണ്ണീരോടെ അവര്ക്ക് വിടനല്കാന് ഒരുങ്ങുമ്പോള് പുതിയ രാജാവ് ചുമതലയേല്ക്കുന്നതോടെ സ്വാഭാവികമായി ആ രാജ്യങ്ങളുടെ രാജാവായി മാറും.ബ്രിട്ടന്റെ കറന്സിയിലും സ്റ്റാമ്പുകളിലും പതാകയിലും എല്ലാം 70 വര്ഷത്തിന് ശേഷം മാറ്റങ്ങള് വരുകയാണ്. നിത്യേന ബ്രിട്ടീഷ് ജനത കൈകാര്യം ചെയ്തിരുന്ന പലതിലും ഇനി എലിസബത്ത് രാജ്ഞിയുടെ മുഖം ഉണ്ടാവില്ല.
ബാങ്ക് നോട്ടുകള്, നാണയങ്ങള് സ്റ്റാമ്പുകള് ഇവയിലെല്ലാം മാറ്റം വരും. പുതിയ രാജാവായ ചാള്സ് മൂന്നാമന്റെ ചിത്രം സഹിതമാകും ഇവയെല്ലാം ഇനി പുറത്തിറക്കുക. ഒറ്റ രാത്രികൊണ്ട് ബ്രിട്ടീഷ് കറന്സിയില് മാറ്റം വരില്ലെങ്കിലും കാലക്രമേണ ചാള്സ് മൂന്നാമന്റെ ചിത്രത്തോടെ പുതിയ നോട്ടുകളും നാണയങ്ങളും ഇറങ്ങുന്നതോടെ പഴയത് പിന്വലിക്കും. നാണയങ്ങളും ഇനി രാജാവിന്റെ ചിത്രം ആലേഖനം ചെയ്താകും ഇറങ്ങുക.
ദേശീയ ഗാനത്തിലും ഇനി ചെറിയ മാറ്റം വരും. ''God save our gracious Queen'' എന്നത് മാറി ''God save our gracious King'' എന്നാകും ഇനി ആലപിക്കുക. പള്ളികളിലെ ഞായറാഴ്ച പ്രാര്ഥനകളിലെ വരികളിലും ഇതേ പോലെ മാറ്റം വരും. ഞങ്ങളുടെ രാജ്ഞി എന്നതിന് പകരം പ്രാര്ഥനകളില് ഞങ്ങളുടെ ജനറല് സിനഡ് എന്നാകും ഇനി മാറ്റം വരുക. 600 ലധികം ബിസിനസ്സുകള്ക്കായി നല്കിവരുന്ന റോയല് വാറന്റുകളിലും വൈകാതെ ചാള്സ് മൂന്നാമന്റെ പേരിലേക്ക് മാറ്റം വരുത്തും. എലിസബത്ത് രാജ്ഞിയുടെ ചിത്രത്തോടെയുള്ള ഏകദേശം 450 കോടി കറന്സി നോട്ടുകളാണ് പ്രചാരത്തിലുള്ളത്.
ഇതിന്റെ മൂല്യം ഏകദേശം 8000 കോടി പൗണ്ട് വരും. ഏകദേശം രണ്ട് വര്ഷം കൊണ്ട് പഴയ നോട്ടുകള് പൂര്ണമായും പിന്വലിക്കപ്പെടും. എലിസബത്ത് രാജ്ഞി അധികാരമേറ്റ 1952 കാലത്ത് അതുവരെ നോട്ടുകളില് രാജാവിന്റെ ചിത്രം ഉണ്ടായിരുന്നില്ല. 1960 ലാണ് എലിസബത്ത് രാജ്ഞിയുടെ ചിത്രത്തോടെ നോട്ടുകള് ഇറങ്ങിത്തുടങ്ങിയത്.
തപാല്പെട്ടികളില് മാറ്റമുണ്ടാകില്ലെങ്കിലും സ്റ്റാമ്പുകളിലൊക്കെ രാജ്ഞിക്ക് പകരം ഇനി പുതിയ രാജാവിന്റെ ചിത്രം ഇടംപിടിക്കും. രാജ്ഞിക്ക് വിധേയത്വവും കൂറും പുലര്ത്തുമെന്ന് സത്യപ്രതിജ്ഞ ചെയ്താണ് ബ്രിട്ടീഷ് എംപിമാര് അധികാരമേല്ക്കുന്നത്. പുതിയരാജാവിന് കീഴില് ഇനി അവര്ക്കെല്ലാം സത്യപ്രതിജ്ഞ ചെയ്യേണ്ടതുണ്ട്.
നാണയങ്ങളില് ഇതുവരെ രാജ്ഞിയുടെ ചിത്രം ഇടത് അഭിമുഖമായി ആലേഖനം ചെയ്തിരുന്നത് ഇനി പ്രതിമയുടെ രൂപത്തില് വലത് അഭിമുഖമായി മാറുകയും ചാള്സ് മൂന്നാമന്റെ ചിത്രം ഇടത് അഭിമുഖമായി വരുകയും ചെയ്യും. 17 ാം നൂറ്റാണ്ട് മുതല് തുടര്ന്ന് പോരുന്ന രീതിയാണിത്. 1953 വരെ രാജ്ഞിയുടെ ചിത്രം നാണയങ്ങളില് ഇല്ലായിരുന്നു. അവര് അധികാരമേറ്റ് ഒരു വര്ഷമായപ്പോഴാണ് ആദ്യമായി രാജ്ഞിയുടെ നാണയങ്ങള് ഇറങ്ങിത്തുടങ്ങിയത്.
പുതിയ നാണയങ്ങളും നോട്ടുകളും ഇനി രൂപകല്പന ചെയ്ത് ചാന്സലര് അംഗീകരിക്കുന്ന മുറയ്ക്ക് രാജാവിന്റെ മുമ്പാകെ എത്തും. അദ്ദേഹവും അംഗീകരിക്കുന്നതോടെയാകും രൂപകല്പനയ്ക്ക് അന്തിമ അംഗീകാരമാകുക.ബ്രിട്ടനില് മാത്രമല്ല ഈ മാറ്റങ്ങള് വരുക. ഓസ്ട്രേലിയയിലെ നാണയങ്ങളില് ഭൂരിഭാഗം ഓസ്ട്രേലിയക്കാരും ഇതുവരെ കണ്ടിരുന്നത് രാജ്ഞിയുടെ ചിത്രമാണ്. യുകെ കാനഡ, ഓസ്ട്രേലിയ, ന്യൂസിലന്ഡ് മറ്റ് കോമണ്വെല്ത്ത് രാജ്യങ്ങള് ആകെ മൊത്തം 35 രാജ്യങ്ങളിലെ നാണയങ്ങളില് രാജ്ഞിയുടെ മുഖം ആലേഖനം ചെയ്തിരുന്നു. ഓസ്ട്രേലിയയില് നാണയങ്ങളില് മാത്രമല്ല അഞ്ച് രൂപ ഓസ്ട്രേലിയന് ഡോളര് നോട്ടിലും അവരുടെ ചിത്രമുണ്ടായിരുന്നു
1952 മുതല് ആലപിച്ച് വരുന്ന ദേശീയ ഗാനത്തിലാണ് ഇതാദ്യമായി മാറ്റം വരുന്നത്. ന്യൂസിലന്ഡിലും അതേ പോലെ ഓസ്ട്രേലിയയിലേയും കാനഡയിലേയും ദേശീയ ഗാനത്തിലും ഈ മാറ്റം വരും. ബ്രിട്ടീഷ് പാസ്പോര്ട്ടുകളിലെ അകത്തെ പുറവും ഇനി പരിഷ്കരിക്കും.
https://www.facebook.com/Malayalivartha
