സമാനതകളില്ലാത്ത യുദ്ധമാണ് യുക്രെയ്ൻ-റഷ്യ യുദ്ധത്തിലൂടെ ലോകം കണ്ടത്. യുദ്ധത്തിന്റെ കാരണക്കാരൻ തന്നെ റഷ്യൻ പ്രസിഡന്റ് വ്‌ളാഡിമിർ പുടിനാണ്. ഇപ്പോൾ ഇതാ വ്‌ളാഡിമിർ പുടിന് എട്ടിന്റെ പണി വരികയാണ്. യുദ്ധമുണ്ടാക്കി എന്ന കാരണത്താൽ അന്താരാഷ്‌ട്ര ക്രിമിനൽ കോടതിയെ വ്‌ളാഡിമിർ പുടിൻ അഭിമുഖീകരിക്കേണ്ടി വരുമെന്നാണ് യൂറോപ്യൻ യൂണിയൻ മേധാവി ഉർസുല വോൺ ഡെർ ലെയ്‌ൻ പറഞ്ഞിരിക്കുന്നത്.

പുടിൻ ഈ യുദ്ധത്തിൽ തോൽക്കുകയും അന്താരാഷ്‌ട്ര ക്രിമിനിൽ കോടതിയെ നേരിടുകയും വേണമെന്ന സ്ഥിതിയാണ് ഇപ്പോൾ ഉള്ളത്. യുക്രെയ്നെതിരെ കടന്നു കയറ്റങ്ങൾ നടന്നിട്ടുണ്ട്. പക്ഷേ അന്താരാഷ്‌ട്ര ക്രിമിനൽ കോടതിയിൽ പുടിനെ എത്തിക്കാൻ ആവശ്യമായ നടപടി ക്രമങ്ങൾ വേണം. മാത്രമല്ല തെളിവ് ശേഖരണത്തിനും യുക്രെയ്ന് പിന്തുണ കൊടുക്കുമെന്നാണ് യൂറോപ്യൻ യൂണിയൻ മേധാവി വ്യക്തമാക്കിയിരിക്കുന്നത്.

അന്താരാഷ്‌ട്ര നിയമവ്യവസ്ഥയുടെ അടിസ്ഥാനത്തിൽ കുറ്റകൃത്യങ്ങൾ നടത്തിയതിന് ശിക്ഷ കിട്ടേണ്ടതായിട്ടുണ്ട്. യുക്രെയ്ൻ-റഷ്യ യുദ്ധത്തിൽ പുടിനാണ് ഉത്തരവാദി എന്നാണ് ഉർസുല വോൺ ഡെർ ലെയ്‌ൻ പറഞ്ഞത്. യൂറോപ്യൻ യൂണിയനുമായുള്ള അടുത്ത യോ​ഗത്തെ സംബന്ധിച്ചുള്ള ചർച്ചകൾക്കായി യുക്രെയ്നിൽ എത്തിയതായിരുന്നു അദ്ദേഹം. യുദ്ധത്തിൽ തകർന്ന രാജ്യത്തിന് എല്ലാം കാലവും യൂറോപ്പിന്റെ പിന്തുണയുണ്ടാകുമെന്നും വോൺ ഡെർ ലെയ്ൻ വാഗ്ദാനം നൽകിയിരിക്കുകയാണ്.

റഷ്യൻ പ്രസിഡന്റ് വ്‌ളാഡിമിർ പുടിനെ ഒരു ദിവസമെങ്കിലും കോടതിയിൽ ഹാജരാക്കുമോയെന്ന് മാദ്ധ്യമ പ്രവർത്തകൻ ചോദിച്ചിരുന്നു. ആ ചോദ്യത്തിന് ഉറപ്പായും സാധ്യമാകും എന്നാണ് ഉർസുല വോൺ ഡെർ ലെയ്‌ൻ മറുപടി നൽകിയത്. അതേസമയം യുക്രൈന്‍ പ്രസിഡന്റെ വ്‌ലാഡിമര്‍ സെലന്‍സ്‌കിയെ കൊലപ്പെടുത്താനുള്ള കൊട്ടേഷന്‍ നല്‍കി കാത്തിരിക്കുകയായിരുന്നു റഷ്യന്‍ പ്രസിഡന്‍ വ്‌ലാഡിമര്‍ പുടിന്‍ എന്ന വിവരം കഴിഞ്ഞ ദിവസങ്ങളിൽ പുറത്ത് വന്നിരുന്നു.