ലണ്ടനിലെ തിരക്കേറിയ ഹീത്രൂ വിമാനത്താവളത്തിലേക്കുള്ള നൂറിലധികം വിമാനങ്ങൾ എലിസബത്ത് രാജ്ഞിയുടെ സംസ്‌കാര ചടങ്ങുകൾക്കിടെ “ശബ്ദം ഒഴിവാക്കാൻ” തിങ്കളാഴ്ച റദ്ദാക്കും. സെപ്റ്റംബർ 19 തിങ്കളാഴ്ച ടേക്ക് ഓഫ് അല്ലെങ്കിൽ ലാൻഡ് ചെയ്യേണ്ട 12,000 വിമാനങ്ങളിൽ 15 ശതമാനവും തടസ്സപ്പെടുമെന്ന് പടിഞ്ഞാറൻ ലണ്ടൻ വിമാനത്താവളം അറിയിച്ചു. പ്രാദേശിക സമയം പകൽ 11.40 മുതൽ 12.10 വരെ അരമണിക്കൂർ നേരം വിമാനസർവീസുകൾ ഒന്നുമുണ്ടാകില്ല. സംസ്കാരത്തിന്റെ അവസാന സമയം രണ്ടു മിനിറ്റ് നിശബ്ദത പാലിക്കും ഈ സമയവും ഇതിൽ ഉൾക്കൊള്ളിച്ചിട്ടുണ്ട്.

100 ബ്രിട്ടീഷ് എയർവേയ്‌സ് ഫ്ലൈറ്റുകളും നാല് വിർജിൻ അറ്റ്‌ലാന്റിക് ഫ്‌ളൈറ്റുകളും ഉൾപ്പെടെയുള്ള ഫ്ലൈറ്റ് റദ്ദാക്കലുകൾ ഉണ്ടാകും. രാജ്ഞിയുടെ ഭൗതികശരീരവുമായി പ്രദക്ഷിണം നടക്കുമ്പോൾ ഉച്ചകഴിഞ്ഞ് 1.45 മുതൽ 35 മിനിറ്റു നേരം ഹീത്രോയിൽ വിമാനങ്ങള്‍ ഇറങ്ങാൻ അനുവദിക്കില്ല.

പ്രദക്ഷിണം വിൻഡ്സർ കാസിലിലേക്ക് അടുക്കുമ്പോൾ വൈകുന്നേരം 3.05ന് ഒരു മണിക്കൂർ 40 മിനിറ്റ് നേരം വിമാനങ്ങൾ പുറപ്പെടുന്നതിനും വിലക്കുണ്ടാകും. സംസ്കാര ചടങ്ങുകൾ പൂർത്തിയാകുന്ന രാത്രി 9 മണി വരെ വിമാന സർവീസുകളിൽ നിയന്ത്രണം ഉണ്ടാകും. ബുദ്ധിമുട്ട് ഉണ്ടായ ഉപയോക്താക്കൾക്ക് മറ്റു മാർഗങ്ങൾ സ്വീകരിക്കുകയോ റീഫണ്ട് സ്വീകരിക്കുകയോ ചെയ്യാമെന്ന് എയർലൈൻ വക്താവ് അറിയിച്ചു.