ചൈനയിൽ വൻ അപകടം. തെക്കുപടിഞ്ഞാറന്‍ ചൈനയില്‍ ബസ് അപകടത്തിൽപ്പെട്ടു. അപകടത്തെ തുടർന്ന് 27 പേര്‍ മരിച്ചു. ഞായറാഴ്ച രാവിലെയാണ് അപകടം ഉണ്ടായത്. ഗുയാങ്ങില്‍ നിന്ന് 170 കിലോമീറ്റര്‍ അകലെയുള്ള സന്ദു കൗണ്ടിയിലാണ് സംഭവം.

അതേസമയം ഈ വര്‍ഷത്തെ ഏറ്റവും വലിയ റോഡ് അപകടമാണിതെന്ന് പൊലീസ് പറഞ്ഞു. മാത്രമല്ല 47 പേരാണ് ബസില്‍ ഉണ്ടായിരുന്നത്. തുടർന്ന് 27 പേരാണ് നിലവിൽ മരിച്ചത്. നിലവിൽ 20 പേര്‍ പരുക്കുകളോടെ ആശുപത്രിയില്‍ ചികിത്സയിലാണ്.

ആശുപത്രിയിൽ കഴിയുന്നവരുടെ നിലഗുരുതരമാണെന്ന് പൊലീസ് അറിയിച്ചു. പര്‍വതപ്രദേശമായ സന്ദു കൗണ്ടിയില്‍ നിയന്ത്രണം വിട്ട ബസ് മലയിടുക്കിലേക്ക് കുത്തനെ മറിയുകയായിരുന്നുവെന്നാണ് ഇപ്പോൾ ലഭിക്കുന്ന പ്രാഥമിക വിവരം.