അയർലണ്ടിൽ ഞെട്ടിക്കുന്ന ഒരു സംഭവം ഉണ്ടായിരിക്കുന്നു. ആത്മഹത്യ ശ്രമം നടത്തിയിരിക്കുകയാണ് ഒരു യുവതി. എങ്ങനെയെന്നല്ലേ ? 55 ബാറ്ററികൾ വിഴുങ്ങിയിരിക്കുകയാണ് ഇവർ. സ്ത്രീയുടെ വയറ്റിനകത്ത് നിന്ന് സർജറിയിലൂടെ ഡോക്ടർമാർ 55 ബാറ്ററികൾ പുറത്തെടുത്തു.

ചെറിയ- ഉരുണ്ട ആകൃതിയിലുള്ള ബാറ്ററികളാണ് വിഴുങ്ങിയത്. ദേഹാസ്വാസ്ഥ്യമായപ്പോൾ ആശുപത്രിയിലെത്തിക്കുകയായിരുന്നു. സ്കാനിംഗിലൂടെ ബാറ്ററികൾ കണ്ടെത്തി. ഡോക്ടർമാർ ആദ്യം നോക്കിയത് ഇത് മലത്തിലൂടെ പുറത്തെത്തുമോ എന്നായിരുന്നു. പക്ഷേ അഞ്ച് ബാറ്ററികൾ ഒരാഴ്ചയ്ക്കുള്ളിൽ മലത്തിലൂടെ പുറത്ത് വന്നു.

ബാറ്ററികളുടെ കനം താങ്ങാതെ ആമാശയം തൂങ്ങുകയും ചെയ്തു. ഇതോടെ ഡോകർമാർ സർജറി തീരുമാനിച്ചു. സർജറിയിലൂടെ ആമാശയത്തിലുണ്ടായിരുന്ന ബാറ്ററികൾ മുഴുവൻ പുറത്തെടുത്തു. ഏതാനും ബാറ്ററികൾ മലാശയത്തിലെത്തിയിരുന്നു ഇവ മലാശയത്തിലൂടെയും പുറത്തെടുത്തു. ഇവരുടെ ആന്തരീകാവയവങ്ങൾക്കൊന്നും കാര്യമായ അപകടങ്ങളോ പരുക്കോ പറ്റിയിട്ടില്ലെന്ന റിപ്പോർട്ട് പുറത്ത് വന്നിട്ടുണ്ട്.