എയർ റേസ് മത്സരത്തിനിടെ വിമാനം തകർന്ന് പൈലറ്റ് മരിച്ചു. അമേരിക്കയിലെ നെവാഡയിൽ നടന്ന ആനുവൽ എയർ റേസ് മത്സരത്തിനിടെയാണ് സംഭവം. മാത്രമല്ല തകർന്നു വീണ വിമാനം നിമിഷങ്ങൾക്കുള്ളിൽ തന്നെ പൊട്ടിത്തെറിച്ച് പൈലറ്റിന് ദാരുണാന്ത്യം സംഭവിച്ചു. സംഭവത്തിനു പിന്നാലെ അപകടത്തിന്റെ ദൃശ്യങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്. വിമാനം നിലംതൊട്ട ഉടനെ തന്നെ തീഗോളമായി മാറുന്നത് ദൃശ്യങ്ങളിൽ വ്യക്തമാണ്.

അതേസമയം എല്ലാ വർഷവും നടക്കാറുള്ള റെനോ എയർ റേസ് ചാമ്പ്യൻഷിപ്പിന്റെ അവസാന ദിവസമാണ് അപകടമുണ്ടായത്. എന്നാൽ ഇതുവരെയും അപകടത്തിൽ കൊല്ലപ്പെട്ട പൈലറ്റിന്റെ പേരുവിവരങ്ങൾ പുറത്ത് വിട്ടിട്ടില്ല. എന്നാൽ ഈ വിഷയത്തിൽ നാഷണൽ ട്രാൻസ്‌പൊർട്ടേഷൻ സേഫ്റ്റി ബോർഡും, ഫെഡറൽ ഏവിയേഷൻ അഡ്മിനിസിട്രേഷനും വിശദമായ അന്വേഷണം നടത്തുമെന്ന് റേസ് ചെയർമാൻ ഫ്രെഡ് ടെല്ലിംഗ് പറഞ്ഞു.

എന്നാൽ മറ്റ് വിമാനങ്ങളൊന്നും അപകടത്തിൽ പെട്ടിട്ടില്ലെന്നും ഫ്രെഡ് ട്രെല്ലിംഗ് വ്യക്തമാക്കി. അപകടമുണ്ടായ സാഹചര്യത്തിൽ അന്നേ ദിവസം നടത്താനിരുന്ന മറ്റ് മത്സരങ്ങളും റദ്ദാക്കിയിട്ടുണ്ട്. സാധാരണ എല്ലാ വർഷവും സെപ്തംബറിൽ നെവാഡയിലെ സ്റ്റെഡ് എയർപോർട്ടിലാണ് റെനോ എയർ റെയ്‌സ് നടക്കാറുള്ളത്. ബൈപ്ലെയ്ൻ, ജെറ്റ്‌പ്ലെയ്ൻ തുടങ്ങീ വിവിധ തരം വിമാനങ്ങളാണ് ഈ മത്സരത്തിൽ പങ്കെടുക്കാറുള്ളത്.