തായ്ലന്റിൽ ശിശുപരിപാലന കേന്ദ്രത്തിൽ വെടിവയ്പ്പ്; ആക്രമണത്തിൽ കൊല്ലപ്പെട്ടത് 22 കുട്ടികളുൾപ്പടെ 34 പേർ! ആക്രമണം നടത്തിയത് തായ്ലന്റ് പൊലീസിലെ മുൻ ഉദ്യോഗസ്ഥൻ, പിന്നിൽ ആ പക....
ലോകമനഃസാക്ഷിയെ ഞെട്ടിച്ച് പിഞ്ചുകുഞ്ഞുങ്ങളെ വെടിവച്ചുകൊന്നു. തായ്ലന്റിൽ ശിശുപരിപാലന കേന്ദ്രത്തിൽ വെടിവെപ്പിന് പിന്നിൽ തായ്ലന്റ് പൊലീസിലെ മുൻ ഉദ്യോഗസ്ഥനെന്ന് റിപ്പോർട്ട്. ജോലിയിൽ നിന്ന് ഇയാളെ പിരിച്ചുവിട്ടതിലെ പകയെ തുടർന്നാണ് പ്രതി ഏറ്റവും നിഷ്ഠൂരമായ കൂട്ടക്കൊല നടത്തി ലോകത്തെ ആകമാനം ഞെട്ടിച്ചിരിക്കുന്നത്.
അതോടൊപ്പം തന്നെ വടക്കു കിഴക്കൻ തായ്ലൻഡിലെ ഒരു ചൈൽഡ് കെയർ സെന്ററിലാണ് ഒരാൾ വെടിവെപ്പ് നടത്തിയത്. ആക്രമണത്തിൽ 22 കുട്ടികളുൾപ്പടെ 34 പേർ കൊല്ലപ്പെട്ടതായാണ് ഏറ്റവും ഒടുവിൽ ലഭ്യമാകുന്ന വിവരം. മുൻ പൊലീസ് ഉദ്യോഗസ്ഥനാണ് അക്രമിയെന്ന് നാം ക്ലാം പൊലീസ് സ്ഥിരീകരിച്ചിട്ടുമുണ്ട്. ആക്രമണത്തിന് ശേഷം ഇയാൾ തന്റെ ഭാര്യയെയും മകനെയും വധിച്ച ശേഷം ജീവനൊടുക്കിയെന്ന് തായ്ലന്റ് പൊലീസ് അറിയിക്കുകയുണ്ടായി. അക്രമിയുടെ പേര് പുറത്ത് വിട്ടിട്ടില്ല.
കൂടാതെ ഇന്ന് ഉച്ചക്കാണ് അതി ദാരുണമായ സംഭവം നടന്നത്. രണ്ട് വയസിൽ താഴെയുള്ള കുഞ്ഞുങ്ങളെ പരിപാലിക്കുന്ന കെയർ സെന്ററിലായിരുന്നു ആക്രമണം നടന്നത്. കുട്ടികൾ ഉറങ്ങുന്ന സമയത്താണ് അക്രമി ഇവിടെ അതിക്രമിച്ച് കയറിയത്. ആദ്യം ജീവനക്കാർക്ക് നേരെയാണ് ഇയാൾ വെടിയുതിർത്തത്. എട്ട് മാസം ഗർഭിണിയായ അധ്യാപിക ഉൾപ്പടെ നാല് പേരെ ഇയാൾ വെടിവെച്ച് കൊലപ്പെടുത്തുകയുണ്ടായി.
ഇതിനുപിന്നാലെയാണ് അക്രമി ഉറങ്ങിക്കിടന്ന കുട്ടികൾക്ക് നേരെ തിരിഞ്ഞത്. അങ്ങേയറ്റം നിഷ്ഠൂരമായ കൂട്ടക്കൊലയാണ് പിന്നീട് നടന്നത്. 30 കുട്ടികളുണ്ടായിരുന്ന ഡേ കെയറിലെ കുട്ടികളെ രക്തത്തിൽ കുളിച്ച് കിടക്കുന്ന നിലയിലാണ് പൊലീസ് എത്തിയപ്പോൾ കണ്ടത്. 22 കുട്ടികൾ കൊല്ലപ്പെട്ടതായാണ് വിവരം. ഗുരുതരമായി പരിക്കേറ്റ എട്ട് കുട്ടികൾ ചികിത്സയിൽ കഴിയുകയാണ്.
https://www.facebook.com/Malayalivartha