പാന്റിനുള്ളിൽ ഒളിപ്പിച്ച് പെരുമ്പാമ്പുകളെ അതിസാഹസികമായി കടത്താൻ ശ്രമം, മൂന്ന് ബര്മീസ് പെരുമ്പാമ്പുകളുമായി യുവാവ് പിടിയിൽ
പാന്റിനുള്ളിൽ പെരുമ്പാമ്പുകളെ ഒളിപ്പിച്ച് കടത്തൻ ശ്രമിച്ച യുവാവ് പിടിയിൽ. യു.എസിലാണ് സംഭവം നടന്നത്. കാല്വിന് ബൗറ്റിസ്റ്റ എന്ന 36 -കാരനാണ് ഇത്തരത്തില് അതിസാഹസികമായി മൂന്ന് ബര്മീസ് പെരുമ്പാമ്പുകളെ അതിര്ത്തി കടത്താന് ശ്രമിച്ചത്. യുഎസ് കനേഡിയന് ബോര്ഡര് ക്രോസിംഗില് നിന്നാണ് ഇയാൾ പിടിയിലായത്.
കൂടാതെ ഫെഡറല് നിയമപ്രകാരം മനുഷ്യന് ഹാനികരമായവയുടെ കൂട്ടത്തിലാണ് പെരുമ്പാമ്പുകളെ ഉള്പ്പെടുത്തിയിരിക്കുന്നത്.യുഎസ് അറ്റോര്ണി കാര്ല ബി ഫ്രീഡ്മാന്റെ ഓഫീസില് നിന്നുള്ള വാര്ത്താക്കുറിപ്പനുസരിച്ച്, പിടിയിലായ ബൗറ്റിസ്റ്റയെ ചൊവ്വാഴ്ച അല്ബാനിയില് ഫെഡറല് കള്ളക്കടത്ത് കുറ്റം ചുമത്തി കോടതിയില് ഹാജരാക്കി വിട്ടയച്ചു.
മുമ്പും ഇയാള്ക്കെതിരെ പാമ്പു കടത്തിയതിന് കേസെടുത്തിട്ടുണ്ട്. 2018ൽ ഒരു ബസ്സിനുള്ളിലാണ് ഇയാള് പാമ്പുകളുമായി എത്തി അതിര്ത്തി കടക്കാന് ശ്രമിച്ചത്. ബര്മീസ് പെരുമ്പാമ്പുകളുടെ ഇറക്കുമതി അന്താരാഷ്ട്ര ഉടമ്പടികള് പ്രകാരം ഇവിടെ നിയമവിരുദ്ധമാണ്.ഫെഡറല് പ്രോസിക്യൂട്ടര്മാര് പറയുന്നതനുസരിച്ച് 20 വര്ഷം വരെ തടവും 250,000 ഡോളര് വരെ പിഴയും ലഭിക്കാവുന്ന കുറ്റമാണ് ബര്മീസ് പെരുമ്പാമ്പുകളെ കടത്തുന്നത്.
https://www.facebook.com/Malayalivartha
