ബ്രിട്ടനും ഇന്ത്യയും തമ്മിലുള്ള ബന്ധം ഏകപക്ഷീയമായി മാറാതെ ഇരുഭാഗത്തേക്കും കൂടുതല്‍ സജീവമാക്കുകയാണു തന്റെ ലക്ഷ്യമെന്ന് ഇന്ത്യന്‍ വംശജനായ ഋഷി സുനക്ക് പറയുമ്പോൾ മലയാളികൾ ഉൾപ്പടെ ഉള്ള ഇന്ത്യക്കാർക്ക് അത് തീർച്ചയായും പ്രതീക്ഷയ്ക്ക് വക നൽകുന്നു... ബ്രിട്ടനില്‍ നിന്നുള്ള വിദ്യാര്‍ഥികള്‍ക്കും കമ്പനികള്‍ക്കും ഇന്ത്യയിലെത്താനും പഠിക്കാനും പ്രവര്‍ത്തിക്കാനും സംവിധാനങ്ങള്‍ എളുപ്പമാക്കാനും അദേഹം പ്രധാനമന്ത്രിയായാല്‍ മുന്‍കൈ എടുക്കുമെന്ന് വ്യക്തമാക്കിയിട്ടുണ്ട്.

ബ്രിട്ടന്റെ പ്രധാനമന്ത്രിക്കസേരയിലേക്ക് ഋഷി സുനക് എന്ന ഇന്ത്യന്‍വംശജന്‍ എത്തുമ്പോള്‍ എഴുതപ്പെടുന്നത് ചരിത്രമാണ്. സാമ്പത്തിക പ്രതിസന്ധിയില്‍ ആദി ഉലയുന്ന ബ്രിട്ടനെ പിടിച്ചുനിര്‍ത്തുക എന്നൊരു വലിയ ഉത്തരവാദിത്തവും ഇതിനൊപ്പം ഋഷിയുടെ ചുമലില്‍ ഉണ്ട്.......

ബോറിസ് ജോണ്‍സന്റെ രാജിക്കു പിന്നാലെ അധികാരത്തിലെത്തിയ ലിസ് ട്രസ് ഇന്ത്യൻ കുടിയേറ്റത്തെ എതിർത്തിരുന്നു, സ്ടുടെന്റ്റ് വിസയിൽ വരുന്നവർ ആശ്രിതരെ കൊണ്ട് വരരുത് എന്നായിരുന്നു ലിസ് പറഞ്ഞത്. സയൻസ് വിഷയം പഠിച്ചവർക്ക് മാത്രമായിരുന്നു യു കെ യിൽ പഠന സാദ്ധ്യതകൾ കണ്ടിരുന്നത്. എം ബി എ പോലുള്ള ഡിഗ്രികൾ യു കെ യിൽ പോയി പഠിച്ചവർക്ക് പഠനത്തിന് ശേഷം ജോലി ലഭിക്കാത്ത സാഹചര്യവും ഉണ്ടായിരുന്നു. എന്നാൽ ഇപ്പോൾ ഋഷി സ്‌നാക് വന്നതോടെ ഇന്ത്യക്കാരുടെ പ്രതീക്ഷകൾ വീണ്ടും ഉയർന്നിരിക്കുന്നു,,,

ബ്രിട്ടീഷ് പാര്‍ലമെന്റിലെ ആദ്യ ഇന്ത്യക്കാരന്‍ ദാദാഭായ് നവറോജി ആയിരുന്നു. വെള്ളക്കാരനല്ലാത്ത ആദ്യ പാര്‍ലമെന്റംഗം കൂടിയായ അദ്ദേഹം ബ്രിട്ടീഷ് ഭരണത്തിന്‍ കീഴില്‍ ജീവിക്കുന്ന ഇന്ത്യക്കാരുടെ അവകാശങ്ങള്‍ക്കായി പ്രവര്‍ത്തിച്ചു .

എന്നാല്‍ ഇന്ത്യന്‍ വംശജരായ രാഷ്ട്രീയക്കാര്‍ ബ്രിട്ടീഷ് രാഷ്ട്രീയത്തിലേക്ക് എത്താന്‍ തുടങ്ങിയത് 60 കളിലും 70 കളിലും നടന്ന കുടിയേറ്റത്തിന്റെ രണ്ടാം തരംഗത്തെ തുടര്‍ന്നാണ്. ഇന്ന് ഇന്ത്യന്‍ വംശജരായ രാഷ്ട്രീയക്കാര്‍ ബ്രിട്ടീഷ് രാഷ്ട്രീയത്തില്‍ പ്രധാനപ്പെട്ട സ്ഥാനങ്ങളില്‍ എത്തിയിരിക്കുകയാണ്. ഇന്ത്യന്‍ വംശജരായ പൗരന്മാരുടെ രാഷ്ട്രീയ സ്വാധീനം കൂടാതെ കുടിയേറ്റക്കാര്‍ക്ക് യുകെയിലുള്ള വോട്ടുകള്‍ എന്നിവയാണ് ഇതിന് പിന്നിലെ കാരണം. 2015ലെ പാര്‍ലമെന്റ് തിരഞ്ഞെടുപ്പിന് മുമ്പ് ഇന്ത്യന്‍ വോട്ടര്‍മാരുടെ എണ്ണം 615,000 ആയിരുന്നെന്നും ഇതില്‍ 95 ശതമാനത്തിലധികം പേര്‍ വോട്ട് രേഖപ്പെടുത്തിയിരുന്നു എന്നുമാണ് റിപ്പോർട്ടുകൾ .

യു കെ യിൽ ഇന്ത്യക്കാരെ അഭിസംബോധന ചെയ്ത ഋഷി സുനക്ക് പറഞ്ഞ വാക്കുകൾ ഇന്ത്യയ്ക്ക് പ്രതീക്ഷക്ക് നൽകുന്നത് തന്നെയാണ് . ഇന്ത്യ ,യു കെ ബന്ധം വളരെ ഊഷ്മളമായി നില നിർത്തുമെന്നും ഇന്ത്യയുമായി ബന്ധമുണ്ട് എന്നതിൽ അഭിമാനിക്കുന്നു എന്നും അദ്ദേഹം പറഞ്ഞു, ഏതായാലും ഇന്ത്യയിൽ നിന്ന് യു കെ യിലേക്ക് ജോലിക്കും പഠനത്തിനും ആയി പോകാൻ ഒരുങ്ങുന്നവർക്ക് റിഷി സുനാക്കിന്റെ ഭരണം നല്ല അവസരങ്ങൾ നൽകുമെന്ന് പ്രതീക്ഷിക്കാം ..