രണ്ടാം ദിനത്തില് വെള്ളിത്തിളക്കത്തില്നിന്ന് സുവര്ണശോഭയിലേക്ക് കുതിച്ചുയര്ന്ന് ഇന്ത്യ; ഫ്രീസ്റ്റൈല് ഗുസ്തിയില് വിനേഷ് ഫൊഗട്ടാണ് സ്വര്ണം നേടിയത്
ഏഷ്യന് ഗെയിംസിന്റെ രണ്ടാം ദിനത്തില് വെള്ളിത്തിളക്കത്തില്നിന്ന് സുവര്ണശോഭയിലേക്ക് കുതിച്ചുയര്ന്ന് ഇന്ത്യ. വനിതാ വിഭാഗം 50 കിലോഗ്രാം ഫ്രീസ്റ്റൈല് ഗുസ്തിയില് വിനേഷ് ഫൊഗട്ടാണ് സ്വര്ണം നേടിയത്. ഫൈനലില് ജപ്പാന് താരം യൂകി ഇറിയെ 6-2ന് വീഴ്ത്തിയാണ് ഇരുപത്തിനാലുകാരിയായ ഫൊഗട്ട് ഇന്ത്യയുടെ രണ്ടാം സ്വര്ണമെഡല് ജേതാവായത്. പുരുഷവിഭാഗം ഗുസ്തിയില് ബജ്റംഗ് പൂനിയ ആദ്യ ദിനത്തില് സ്വര്ണം നേടിയിരുന്നു. ഏഷ്യന് ഗെയിംസ് വനിതാ ഗുസ്തിയില് ഇന്ത്യയുടെ ആദ്യ സ്വര്ണമാണിത്.
രണ്ടാം ദിനത്തില് ഇന്ത്യ നേടുന്ന മൂന്നാമത്തെ മെഡലാണ് ഫൊഗട്ടിന്റേത്. ജക്കാര്ത്ത ഗെയിംസില് അ!ഞ്ചാമത്തെയും. നേരത്തെ, പുരുഷവിഭാഗം ഷൂട്ടിങ് ട്രാപ്പില് ഇരുപതുകാരന് താരം ലക്ഷയ്, 10 മീറ്റര് എയര് റൈഫിളില് ദീപക് കുമാര് എന്നിവര് വെള്ളി നേടിയിരുന്നു.
പുരുഷവിഭാഗം ട്രാപ്പില് മാനവ്ജീത് സിങ് സന്ധു നാലാം സ്ഥാനത്തായപ്പോള്, 10 മീറ്റര് എയര് റൈഫിളില് രവി കുമാറും നാലാമതെത്തി. അതേസമയം, 57 കിലോഗ്രാം ഫ്രീസ്റ്റൈല് ഗുസ്തിയില് പൂജ ദണ്ഡയും 62 കിലോഗ്രാം വിഭാഗത്തില് സാക്ഷി മാലിക്ക് സെമിയിലെത്തിയെങ്കിലും തോറ്റു. പുരുഷവിഭാഗം 125 കിലോഗ്രാം ഫ്രീസ്റ്റൈല് ഗുസ്തിയില് സുമിത് മാലിക്, വനിതാ വിഭാഗം 53 കിലോയില് പിങ്കി ജാന്ഗ്ര എന്നിവര് ആദ്യ റൗണ്ടില് തോറ്റു
https://www.facebook.com/Malayalivartha
