സി.പി.എമ്മും കോണ്ഗ്രസും അവസരവാദികളും ആദര്ശശൂന്യരുമാണെന്ന് ബി.ജെ.പി സംസ്ഥാന അധ്യക്ഷന് പി.എസ് ശ്രീധരന്പിള്ള ആരോപിച്ചു, ഈ അവസരവാദ കൂട്ടുകെട്ടാണ് ലോക്സഭാ തെരഞ്ഞെടുപ്പില് ബിജെപിയെ നേരിടുന്നത്
05 MARCH 2019 03:55 PM IST
മലയാളി വാര്ത്ത
കോണ്ഗ്രസിന്റെയും മാര്ക്സിസ്റ്റ് പാര്ട്ടിയുടെയും രാഷ്ട്രീയ അധ:പനത്തിന്റെ യഥാര്ത്ഥ ചിത്രമാണ് കോണ്ഗ്രസ്സ്- മാര്ക്സിസ്റ്റ് മുന്നണിയിലൂടെ പുറത്തു വരുന്നത്. സുസ്ഥിരഭരണം കാഴ്ചവെക്കാനെന്ന അവകാശവാദത്തിന്റെ് പൊള്ളത്തരമാണ് ഇവിടെ പുറത്താവുന്നതെന്നും പിള്ള പറഞ്ഞു. ബംഗാളില് ആറ് സിറ്റിംഗ് സീറ്റുകളില് പരസ്പ്പരം മത്സരിക്കേണ്ടെന്ന ധാരണയില് കോണ്ഗ്രസും സി.പി.എമ്മും ഇന്നലെയാണ് എത്തിയത്. ബി.ജെ.പി ബംഗാളിലെ രണ്ടാമത്തെ പാര്ട്ടിയായി വളര്ന്ന സാഹചര്യത്തിലാണ് സഖ്യമില്ലാതെ ധാരണയിലെത്താന് തീരുമാനിച്ചത്. ഇത് സി.പി.എമ്മിന് വലിയ ഗുണം ചെയ്യില്ലെന്നാണ് വിലയിരുത്തല്. എന്നാലും ബി.ജെ.പിയെയും തൃണമൂല് കോണ്ഗ്രസിനെയും തറപറ്റിക്കാന് ഇത്തരത്തിലൊരു നീക്ക് പോക്ക് അത്യാവശ്യമാണ്.
42 ലോക്സഭാ സീറ്റുകളാണ് ബംഗാളിലുള്ളത്. സിപി.എം മുപ്പത് സീറ്റ് വരെ വിജയിച്ചിരുന്നതാണ്. കഴിഞ്ഞ തവണ രണ്ട് സീറ്റാണ് ലഭിച്ചത്. അത്രയ്ക്ക് മോശമായ അവസ്ഥയിലാണ് സി.പി.എമ്മും ഇടത്പക്ഷവും. കോണ്ഗ്രസിനാകട്ടെ പഴയതില് നിന്ന് സ്ഥിതി മെച്ചപ്പെടാനായി. സി.പി.എമ്മിനേക്കാള് കൂടുതല് നിയമസഭാ സീറ്റുകളുണ്ട്. ബി.ജെ.പിയുമായി തൃണമൂല് കോണ്ഗ്രസ് അകന്നതോടെ കൂടുതല് പ്രതീക്ഷ കോണ്ഗ്രസിനാണ് ഉള്ളത്. ഇരുകൂട്ടരുടെയും വോട്ട് ഭിന്നിക്കുമെന്നാണ് കോണ്ഗ്രസിന്റെ വിലയിരുത്തല്. കോണ്ഗ്രസിനൊപ്പം നിന്നാലെ തങ്ങള്ക്ക് രക്ഷയുള്ളെന്ന് സി.പി.എമ്മം ബംഗാള് ഘടകവും വിലയിരുത്തുന്നു. പാര്ട്ടി ജനറല് സെക്രട്ടറി സീതാറാം യെച്യൂരിയെ കോണ്ഗ്രസിന്റെ സഹായത്തോടെ രാജ്യസഭാ എം.പിയാക്കാന് നീക്കം നടന്നിരുന്നു. കേന്ദ്രകമ്മിറ്റി അതിന് തടയിടുകയായിരുന്നു.
ബംഗാളിലെ ധാരണ തൃപുരയില് ഉണ്ടാകുമോ എന്ന കാര്യം സി.പി.എമ്മും കോണ്ഗ്രസും വ്യക്തമാക്കിയിട്ടില്ല. കഴിഞ്ഞ നിയമസഭാ തെരഞ്ഞെടുപ്പില് കോണ്ഗ്രസുകാരാണ് സി.പി.എമ്മിനെ അവിടെ തറപറ്റിച്ചത്. കോണ്ഗ്രസ് വോട്ട് ബി.ജെ.പിക്കാണ് ചെയ്തത്. കേരളത്തില് കോണ്ഗ്രസുമായി യാതൊരുതരത്തിലുമുള്ള നീക്ക് പോക്കും പാടില്ലെന്ന ഉറച്ചനിലപാടിലാണ് സി.പി.എം. ബി.ജെ.പിയുടെ ബി ടീമായി കോണ്ഗ്രസ് അധപ്പതിച്ചെന്നും ശബരിമലവിഷയത്തില് ഹൈക്കമാന്ഡ് നിലപാട് കെ.പി.സി.സി അംഗീകരിച്ചില്ലന്നുമാണ് ആക്ഷേപം. എന്നിട്ട് കോണ്ഗ്രസുമായി ബംഗാളില് കൈകോര്ക്കുന്നത് സി.പി.എമ്മിന് വലിയ നാണക്കേടാണ്. തെരഞ്ഞെടുപ്പ് പ്രചരണത്തിന് ബി.ജെ.പി ഇത് ആയുധമാക്കുകയും ചെയ്യും.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
