തിരുവനന്തപുരം: ദേശീയ കുടുംബക്ഷേമ പദ്ധതിയുടെ സുഗമമായ നടത്തിപ്പിനായി വിവിധ ജില്ലകളിലേക്കായി 4.49 കോടി രൂപ അനുവദിച്ചതായി ആരോഗ്യ സാമൂഹ്യനീതി വനിത ശിശു വികസന വകുപ്പ് മന്ത്രി കെ.കെ. ശൈലജ ടീച്ചര്‍. 2018 സെപ്റ്റംബര്‍ മാസം വരെയുള്ള ഗഡുവാണ് ഇപ്പോള്‍ ജില്ലാ കളക്ടര്‍മാര്‍ക്ക് അനുവദിച്ചിട്ടുള്ളത്. ദാരിദ്ര്യരേഖയ്ക്ക് താഴെയുള്ള കുടുബത്തിലെ മുഖ്യ അന്നദാതാവ് മരിച്ചാല്‍ ഒറ്റത്തവണ 20,000 രൂപ നല്‍കുന്ന പദ്ധതിയാണിത്. ഈ പദ്ധതിയിലൂടെ പാവപ്പെട്ട നിരവധി കുടുംബങ്ങള്‍ക്കാണ് ആശ്വാസം ലഭിക്കുന്നതെന്നും മന്ത്രി വ്യക്തമാക്കി.

തിരുവനന്തപുരം 58 ലക്ഷം രൂപ, കൊല്ലം 38 ലക്ഷം, ആലപ്പുഴ 28 ലക്ഷം, പത്തനംതിട്ട 18.34 ലക്ഷം, കോട്ടയം 17.10 ലക്ഷം, ഇടുക്കി 28.20 ലക്ഷം, എറണാകുളം 38.10 ലക്ഷം, തൃശൂര്‍ 54 ലക്ഷം, പാലക്കാട് 32.03 ലക്ഷം, മലപ്പുറം 26 ലക്ഷം, കോഴിക്കോട് 26 ലക്ഷം, വയനാട് 14.10 ലക്ഷം, കണ്ണൂര്‍ 36 ലക്ഷം, കാസര്‍ഗോഡ് 35 ലക്ഷം എന്നിങ്ങനേയാണ് ജില്ലകള്‍ക്ക് തുകയനുവദിച്ചിട്ടുള്ളത്. ജില്ലാ കളക്ടറുടെ മേല്‍നോട്ടത്തിലായിരിക്കുകയും ഈ തുകകള്‍ സ്വീകരിക്കുകയും അര്‍ഹരായവര്‍ക്ക് ലഭിച്ചെന്ന് ഉറപ്പുവരുത്തുകയും ചെയ്യുന്നത്.