കണ്ണൂരിന് ധീര സഖാവിന്റെ മക്കളാ... സ്ഥാനമാനങ്ങളോട് എന്നും അകലം പാലിക്കുന്ന സാധാരണക്കാരില് സാധാരണക്കാരനായ പി. ജയരാജന്; മക്കള് ജീവിക്കുന്നത് ഹോട്ടല് പണി ചെയ്തും സെയില്സ് മാന് ജോലി ചെയ്തും
കണ്ണൂരിന് താരകമല്ലോ ചെഞ്ചോരപ്പൊന് കതിരല്ലോ...
നാടിന് നെടുനായകനല്ലോ പി ജയരാജന് ധീരസഖാവ്...
ചെമ്മണ്ണിന് മാനം കാക്കും നന്മകള് തന് പൂമരമല്ലോ..
ചെങ്കൊടി തന് നേരതു കാക്കും നേരുള്ളൊരു ധീരസഖാവ്...
പി. ജയരാജനെപ്പറ്റി ഇതിലും വലിയ വിശേഷണം വേണ്ടല്ലോ... ജനകീയനായ കണ്ണൂരിന്റെ ജനങ്ങളുടെ മനസായ പി. ജയരാജനെപ്പറ്റി പാടിപ്പുകഴ്ത്തിയ ഈ ഗാനം അവസാനം നേതൃത്വം ഇടപെട്ടാണ് പിന്വലിച്ചത്. എതിരാളികള് നിരവധി കുറ്റമാരോപിപ്പിക്കുമ്പോഴും ജയരാജന്റെ ജീവിതം ആരും കാണാതെ പോകരുത്.
വടകര ലോക്സഭാ മണ്ഡലത്തിലെ എല്ഡിഎഫ് സ്ഥാനാര്ഥിയായി പി ജയരാജന് വന്നിരിക്കെ അദ്ദേഹത്തെപ്പറ്റി അടുത്തറിയേണ്ടതുണ്ട്. കേരളത്തിലെ സിപിഎമ്മിന്റെ ശക്തരായ നേതാക്കളെല്ലാം കണ്ണൂരിന്റെ മണ്ണില് നിന്നുള്ളവരാണ്. മുഖ്യമന്ത്രി പിണറായി വിജയനും സംസ്ഥാന സെക്രട്ടറി കോടിയേരി ബാലകൃഷ്ണനും മൂന്ന് ജയരാജന്മാരും കണ്ണൂര്ക്കാരാണ്. എന്നാല് കണ്ണൂരിലെ പാര്ട്ടിക്കാര്ക്ക് പിണറായിയേക്കാളും കോടിയേരിയേക്കാളും പ്രിയപ്പെട്ടവന് ജില്ലാ സെക്രട്ടറി പി ജയരാജനാണെന്നതില് തര്ക്കമില്ല. കണ്ണൂരില് മറ്റൊരു നേതാവിനും ഇല്ലാത്ത സ്വീകാര്യതയാണ് ജയരാജന്. അവര്ക്കിപ്പോഴും ജയരാജന് മത്സരിക്കുന്നതിനോട് താത്പര്യമില്ല. തങ്ങളില് ഒരാളായി കഴിയുവാനാണ് ഇഷ്ടം.
ഒരു ചെറിയ നേതാവാണെങ്കിലും മക്കളെ ഉന്നതങ്ങളിലെത്തിയ്ക്കുകയാണ് എല്ലാവരുടേയും ലക്ഷ്യം. കണ്ണൂരിലെ പല നേതാക്കളുടെ മക്കളുടെ പണക്കൊഴുപ്പും വന് ബിസിനസ് ബന്ധങ്ങളുമെല്ലാം പലതവണ ചര്ച്ച ചെയ്തതാണ്.
ഇവിടെയാണ് പി ജയരാജന് വ്യത്യസ്തനാവുന്നത്. രണ്ട് ആണ് മക്കളാണ് ജയരാജന്. ജയിന് രാജും ആഷിഷും. രണ്ട് പേരും അച്ഛന്റെ മേല്വിലാസത്തില് ബിസിനസോ വിലപിടിപ്പുകളുള്ള കാറുകളോ സ്വന്തമാക്കാത്തവര്. സാധാരണ പണിയെടുത്ത് ജീവിക്കുന്നവര്.
ജയിന്രാജ് ദുബായിലെ ഒരു ഫാന്സി ഷോപ്പില് സെയില്സ്മാനാണ്. ഇപ്പോള് ജയിന്രാജ് നാട്ടിലുണ്ട്. രണ്ടാമത്തെ മകന് ആഷിഷ് തൃശൂരിലെ ഹോട്ടല് ജീവനക്കാരനാണ്. ഹോട്ടല് പൂട്ടിയപ്പോള് ജോലി കേരളത്തിന് പുറത്തുള്ള സ്വകാര്യ കമ്പനിയിലേക്ക് മാറി.
ലളിത ജീവിതമാണ് പൊതു പ്രവര്ത്തകന് വേണ്ടതെന്ന് പറയുമ്പോള് ആരൊക്കെ അത് പാലിക്കും. ഇവിടെയാണ് പി ജയരാജനെന്ന നേതാവും കുടുംബവും വ്യത്യസ്തരാവുന്നത്.
ഇങ്ങനെയാണ് പി. ജയരാജനെ വാനോളം പുകഴ്ത്തുന്ന വിഡിയോ ആല്ബം വന്നത്. ഇത് രാഷ്ട്രീയ ഭേദമന്യേ കേരളം ഏറ്റെടുത്തിരുന്നു. എന്നാല് പി.ജയരാജനെ ധീരസഖാവായും പി.കൃഷ്ണപ്പിള്ളയോടുപമിച്ചും മുന്നേറുന്ന സംഗീത ആല്ബം വ്യക്തിക്ക് പ്രാധാന്യം നല്കുന്നതും പാര്ട്ടി വിരുദ്ധവുമാണെന്ന് സംസ്ഥാന സമിതിയില് ഉയര്ന്ന വിമര്ശനം. വ്യക്തിപൂജ പാര്ട്ടി വെച്ചു പൊറുപ്പിക്കാറില്ലെന്നും വിമര്ശകര് പറയുന്നു.
എന്നാല് ഗാനത്തിന്റെ രചനയിലോ സംവിധാനത്തിലോ തനിക്കൊരു പങ്കുമില്ലെന്ന് ജയരാജന് വ്യക്തമാക്കിയത്. പുറച്ചേരി ഗ്രാമീണകലാവേദിയുടെ ബാനറില് പ്രദീപ് കടയപ്രം നിര്മിച്ച കണ്ണൂരിന് താരകമല്ലോ ചെഞ്ചോര പൂങ്കതിരല്ലോ എന്ന് തുടങ്ങുന്ന ഗാനം. അതെ എത്ര താഴ്ത്തപ്പെടുന്നുവോ അതുപോലെ ഉയര്ത്തപ്പെടും... അതാണ് പി. ജയരാജന്.
"
https://www.facebook.com/Malayalivartha
