തെരഞ്ഞെടുപ്പ് അടുത്തതോടെ സ്ഥാനാര്‍ത്ഥികളുടെ പലവിധ മുഖങ്ങള്‍ കാണാനാകും. ചില രൂപങ്ങള്‍ കണ്ടാല്‍ ചിരിച്ചു ചാവും. ഇപ്പോള്‍ താരമായിരിക്കുന്നത് തിരുവനന്തപുരത്തെ സിപിഐ സ്ഥാനാര്‍ത്ഥി സി. ദിവാകരനാണ്. ശബരിമല പ്രക്ഷോഭം വന്നപ്പോള്‍ ഭക്തരോരൊപ്പം നിന്നില്ല എന്ന പേരുദോഷം സിപിഐയ്ക്കുമുണ്ട്. അതേസമയം തെരഞ്ഞെടുപ്പ് വന്നതോടെ പരമ ഭക്തിയിലാണ് സി. ദിവാകരന്‍.

തിരുവനന്തപുരം ലോക്‌സഭ മണ്ഡലത്തിലെ ഇടതു സ്ഥാനാര്‍ത്ഥി സി ദിവാകരന്‍ ഇന്നലെ പ്രചാരണം ആരംഭിച്ചതു ആറ്റുകാലിനു സമീപത്തെ കൊഞ്ചിറവിള ദേവീ ക്ഷേത്രത്തില്‍ നിന്നാണ്. പൊങ്കാല ദിവസമായ ഇന്നലെ രാവിലെ ദിവാകരന്‍ ക്ഷേത്രത്തില്‍ എത്തി. പൊങ്കാല സമര്‍പ്പിക്കാനെത്തിയ സ്ത്രീകളുമായി സംസാരിച്ച അദ്ദേഹം തന്നെ സഹായിക്കണമെന്ന് അഭ്യര്‍ത്ഥിച്ചു

ക്ഷേത്രത്തില്‍ തൊഴുതു പ്രസാദം സ്വീകരിച്ച ദിവാകരന്‍ പൂജാരിക്കു ദക്ഷിണും നല്‍കി വീണ്ടും വോട്ടര്‍മാരെ കണ്ടു ക്ഷേത്ര ദര്‍ശനത്തെ കുറിച്ചു ചോദിച്ചപ്പോള്‍ ലോക്‌സഭ തിരഞ്ഞെടുപ്പില്‍ താന്‍ കന്നി അയ്യപ്പനാണെന്നും നാട്ടുരെല്ലാവരും കൂടി കൈ വച്ചാല്‍ കയറിപ്പോകുമെന്നും അദ്ദേഹം പ്രതികരിച്ചു.

തിരഞ്ഞെടുപ്പായതു കൊണ്ടല്ല ക്ഷേത്ര ദര്‍ശനമെന്ന ചോദ്യത്തില്‍ ഇടതു പക്ഷക്കാരിലും കമ്മ്യൂണിസ്റ്റുകാരിലും 90ശതമാനം പേരും ദൈവവിശ്വാസികളെന്നായിരുന്നു ദിവാകരന്റെ മറുപടി.
ദിവാകരന്‍ ക്ഷേത്രത്തില്‍ നിന്നു മടങ്ങി നിമിഷങ്ങള്‍ക്കകം അദ്ദേഹം തൊഴുതു നില്‍ക്കുന്ന ചിത്രവും കമന്റുകളും സാമൂഹിക മാധ്യമങ്ങളില്‍ നിറഞ്ഞു. ശബരിമല വിഷയം ഉള്‍പ്പെടെ ചേര്‍ത്ത് ട്രോളുകളും വന്നു. പിന്നെ പറയോണ്ടല്ലോ...

കേരളത്തിലെ ഏറ്റവും ശ്രദ്ധേയമായ ലോക്‌സഭാ മണ്ഡലമാണ് തിരുവനന്തപുരം. കോണ്‍ഗ്രസിന്റെ ശശി തരൂരും ബിജെപിയുടെ കുമ്മനം രാജശേഖരനും കൂടിയാകുമ്പോള്‍ വലിയൊരു അങ്കത്തിനാണ് കളമൊരുങ്ങുന്നത്.

അതേസമയം തിരുവനന്തപുരത്ത് സജീവമാകാന്‍ കുമ്മനം രാജശേഖരന്‍ ഇന്നെത്തും. അതിന് മുമ്പ് കുമ്മനം ഡല്‍ഹിയില്‍ മനസ് തുറക്കുകയും ചെയ്തു. ഇപ്പോള്‍ മടങ്ങേണ്ട സമയമാണെന്ന് പലരും പറഞ്ഞുവെന്ന് കുമ്മനം വ്യക്തമാക്കി. എനിക്കും അങ്ങനെ തോന്നി. ശബരിമല പ്രക്ഷോഭത്തിനു ശേഷമുള്ള ജനവികാരം കേരളത്തില്‍ ബി.ജെ.പിയെ സഹായിക്കും. പദവികള്‍ ആഗ്രഹിക്കുകയോ ആവശ്യപ്പെടുകയോ ചെയ്തിട്ടില്ല. പാര്‍ട്ടി ഏല്‍പ്പിക്കുന്ന ഏത് ഉത്തരവാദിത്വവും ഏറ്റെടുക്കും.തിരുവനന്തപുരത്തു മത്സരിക്കണമെന്ന് പറഞ്ഞാല്‍ അക്കാര്യവും അനുസരിക്കും. ശബരിമല സമരത്തെ രാഷ്ട്രീയമായി നേരിടുകയാണ് ഇടതു സര്‍ക്കാര്‍ ചെയ്തത്. സന്നിധാനത്ത് ശരണം വിളിച്ചതാണ് കുറ്റം. ശബരിമലയില്‍ പോകുന്നവര്‍ പ്രത്യേക ആചാരാനുഷ്ഠാനങ്ങള്‍ പിന്തുടരുന്നവരാണ്.

മിസോറം ഗവര്‍ണര്‍ സ്ഥാനം രാജിവച്ച് തിരുവനന്തപുരത്തേക്കു യാത്ര തിരിക്കും മുമ്പ്, ഡല്‍ഹി മിസോറം ഭവനില്‍ വച്ച് മാദ്ധ്യമ പ്രവര്‍ത്തകരോട് പറഞ്ഞത്. ഇപ്പോള്‍ മടങ്ങേണ്ട സമയമാണെന്ന് പലരും പറഞ്ഞു. എനിക്കും അങ്ങനെ തോന്നി. ശബരിമല പ്രക്ഷോഭത്തിനു ശേഷമുള്ള ജനവികാരം കേരളത്തില്‍ ബി.ജെ.പിയെ സഹായിക്കും. പദവികള്‍ ആഗ്രഹിക്കുകയോ ആവശ്യപ്പെടുകയോ ചെയ്തിട്ടില്ല. പാര്‍ട്ടി ഏല്‍പ്പിക്കുന്ന ഏത് ഉത്തരവാദിത്വവും ഏറ്റെടുക്കും.തിരുവനന്തപുരത്തു മത്സരിക്കണമെന്ന് പറഞ്ഞാല്‍ അക്കാര്യവും അനുസരിക്കും. ശബരിമല സമരത്തെ രാഷ്ട്രീയമായി നേരിടുകയാണ് ഇടതു സര്‍ക്കാര്‍ ചെയ്തത്. സന്നിധാനത്ത് ശരണം വിളിച്ചതാണ് കുറ്റം. ശബരിമലയില്‍ പോകുന്നവര്‍ പ്രത്യേക ആചാരാനുഷ്ഠാനങ്ങള്‍ പിന്തുടരുന്നവരാണെന്നും കുമ്മനം പറഞ്ഞു.

അതേസമയം ശശി തരൂരും സി. ദിവാകരനും ഇന്നലെ നേരില്‍ കണ്ട് സന്തോഷം പങ്കുവച്ചതും ചര്‍ച്ചയായി. കഴിഞ്ഞ ദിവസം വട്ടിയൂര്‍ക്കാവ് ജുമാമസ്ജിദ് ഉറൂസ് ചടങ്ങിനിടെയാണ് സൗഹൃദ സംഭാഷണം നടന്നത്. ഇതുപോലുള്ള രസകരമായ കാഴ്ചകളാണ് ഇനി കാണാനിരിക്കുന്നത്.