രാഹുല് ലേറ്റായാലും ലേറ്റസ്റ്റാകുമോ; കേരളത്തില്നിന്നുള്ള മുതിര്ന്ന നേതാക്കള് ലോക്സഭാ തിരഞ്ഞെടുപ്പില് മത്സരിക്കുന്ന കാര്യത്തില് കോണ്ഗ്രസ് അധ്യക്ഷന് രാഹുല് ഗാന്ധി അന്തിമ തീരുമാനമെടുക്കുമോ?
കോണ്ഗ്രസ് സ്ഥാനാര്ഥി പട്ടിക എപ്പോള് വരും. ഇനിയെന്തായിരിക്കും. കേരളത്തില്നിന്നുള്ള മുതിര്ന്ന നേതാക്കള് ലോക്സഭാ തിരഞ്ഞെടുപ്പില് മത്സരിക്കുന്ന കാര്യത്തില് കോണ്ഗ്രസ് അധ്യക്ഷന് രാഹുല് ഗാന്ധി അന്തിമ തീരുമാനമെടുക്കുമോ. മുന് മുഖ്യമന്ത്രി ഉമ്മന് ചാണ്ടിയും കെപിസിസി പ്രസിഡന്റ് മുല്ലപ്പള്ളി രാമചന്ദ്രനും മത്സരിക്കുന്ന കാര്യമാണു രാഹുല് ഗാന്ധിക്കു വിട്ടത്. ഡല്ഹിയില് ചേര്ന്ന കോണ്ഗ്രസ് സ്ക്രീനിങ് കമ്മിറ്റി യോഗത്തിലാണ് ഇതു സംബന്ധിച്ചു തീരുമാനമായത്. കെ. സുധാകരനെ തിരഞ്ഞെടുപ്പില് മത്സരിപ്പിക്കാനും സ്ക്രീനിങ് കമ്മിറ്റി യോഗത്തില് തീരുമാനമായി. ലോക്സഭയിലേക്കു മത്സരിക്കാന് താല്പര്യമില്ലെന്ന് സുധാകരന് നേരത്തേ പറഞ്ഞിരുന്നു. ഇക്കാര്യം നേതൃത്വത്തെ അറിയിച്ചതായും സുധാകരന് പറഞ്ഞു. എന്നാല് ഇതു മറികടന്നാണ് ഇപ്പോള് സ്ക്രീനിങ് കമ്മിറ്റി തീരുമാനമെടുത്തത്. അതേസമയം ലോക്സഭാ തിരഞ്ഞെടുപ്പിനുള്ള കോണ്ഗ്രസിന്റെ സ്ഥാനാര്ഥിപ്പട്ടിക വൈകിയേക്കും. സ്ഥാനാര്ഥികളെ 15ന് പ്രഖ്യാപിക്കാനാണു സാധ്യത.
ചൊവ്വാഴ്ച കോണ്ഗ്രസ് പ്രവര്ത്തക സമിതി യോഗം ചേരുന്നുണ്ട്. ആലപ്പുഴയില് കെ.സി. വേണുഗോപാലിനു പകരം ഷാനിമോള് ഉസ്മാനാണു സാധ്യത. ആലപ്പുഴയില് വീണ്ടും മത്സരിക്കാന് താല്പര്യമില്ലെന്ന് വേണുഗോപാല് തന്നെ കഴിഞ്ഞ ദിവസം പ്രതികരിച്ചിരുന്നു. ഈ സാഹചര്യത്തില് അദ്ദേഹത്തെ വയനാട്ടിലെ സ്ഥാനാര്ഥിയാക്കാനും പരിഗണിക്കുന്നുണ്ട്. ആലത്തൂരില് എ.പി. അനില്കുമാര് എംഎല്എയും പാലക്കാട്ട് വി.കെ. ശ്രീകണ്ഠന്, ഷാഫി പറമ്പില് എംഎല്എ എന്നിവരുമാണു പരിഗണനയില്.
ആറ്റിങ്ങലില് അടൂര് പ്രകാശ് തന്നെ മത്സരിച്ചേക്കും. വടകരയില് കെപിസിസി പ്രസിഡന്റ് മുല്ലപ്പള്ളി രാമചന്ദ്രനു പകരം ടി. സിദ്ദിഖിനാണു മുന്ഗണന. ഉമ്മന് ചാണ്ടി, രമേശ് ചെന്നിത്തല, മുല്ലപ്പള്ളി രാമചന്ദ്രന് എന്നിവര് കഴിഞ്ഞ ദിവസം നടത്തിയ ചര്ച്ചയുടെയും തുടര്ന്നു മറ്റു നേതാക്കളുമായുള്ള ആശയവിനിമയത്തിന്റേയും അടിസ്ഥാനത്തില് തയാറാക്കിയ സാധ്യതാ പട്ടികയാണ് സ്ക്രീനിങ് കമ്മിറ്റിയ്ക്കു മുന്നില് വച്ചത്.
https://www.facebook.com/Malayalivartha
