ലോക്സഭാ തിരഞ്ഞെടുപ്പില് തിരുവനന്തപുരത്ത് ബി.ജെ.പി സ്ഥാനാര്ത്ഥിത്വമുറപ്പിച്ച കുമ്മനം രാജശേഖരന് തലസ്ഥാനത്ത് ഗംഭീരസ്വീകരണമൊരുക്കി ബിജെപി, നൂറുകണക്കിന് ബൈക്കുകളുടെ അകമ്പടിയോടെ തലസ്ഥാന നഗരിയിലേക്ക് ആനയിക്കും
ലോക്സഭാ തിരഞ്ഞെടുപ്പില് തിരുവനന്തപുരത്ത് ബി.ജെ.പി സ്ഥാനാര്ത്ഥിത്വമുറപ്പിച്ച കുമ്മനം രാജശേഖരന് ഇന്നെത്തും.ഡല്ഹിയില് നിന്ന് രാവിലെ 8.40 ന് എത്തുന്ന കുമ്മനത്തിന് വിമാനത്താവളത്തില് തിരുവനന്തപുരം പൗരാവലിയുടെ പേരില് ഗംഭീര സ്വീകരണം നല്കാനാണ് ബി.ജെ.പി ജില്ലാ നേതൃത്വത്തിന്റെ തീരുമാനം. ബി.ജെ.പി, സംഘപരിവാര് നേതാക്കള്ക്കു പുറമേ തലസ്ഥാനത്തെ പൗരപ്രമുഖരെയും സ്വീകരണത്തില് പങ്കെടുപ്പിക്കും.
നൂറുകണക്കിന് ബൈക്കുകളുടെ അകമ്പടിയോടെയാകും അദ്ദേഹത്തെ നഗരത്തിലേക്ക് ആനയിക്കുക.പഴവങ്ങാടി ക്ഷേത്രദര്ശനത്തിനു ശേഷം കുമ്മനം ബി.ജെ.പി സംസ്ഥാന കമ്മിറ്റി ഓഫീസിലെത്തും. മിസോറം ഗവര്ണര് പദവി കഴിഞ്ഞ ദിവസം രാജിവച്ച കുമ്മനം തിരുവനന്തപുരത്തേക്കു മടങ്ങുന്നതിന് മുന്നോടിയായി ഇന്നലെ ഡല്ഹിയില് പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തി. കേരളത്തിലെ പ്രവര്ത്തനങ്ങള്ക്ക് കുമ്മനം രാജേശഖരന് പ്രധാനമന്ത്രി നരേന്ദ്രമോദി ആശംസളും നേര്ന്നു. ലോക്സഭാ തിരഞ്ഞെടുപ്പില് എന്.ഡി.എ.ക്ക് കേരളത്തില് മികച്ചപ്രകടനം കാഴ്ച വെക്കാന് കഴിയുമെന്നും ബി.ജെ.പിയുടെ വര്ധിച്ചുവരുന്ന ജനപിന്തുണ വിജയത്തിന് സഹായിക്കുമെന്നും കുമ്മനം നടത്തിയ കൂടിക്കാഴ്ചയില് പ്രധാനമന്ത്രി പ്രതീക്ഷ പ്രകടിപ്പിച്ചു. തിരഞ്ഞെടുപ്പ് പ്രചാരണത്തിന്റെ ഭാഗമായി അടുത്തഘട്ടത്തില് കേരളത്തില് വീണ്ടുമെത്തുമെന്ന് കുമ്മനത്തെ പ്രധാനമന്ത്രി അറിയിച്ചു.
പേട്ട, ജനറല് ആസ്പത്രി, എല്.എം.എസ്., പാളയം, സ്റ്റാച്യൂ വഴി പഴവങ്ങാടി ഗണപതികോവിലിനടുത്ത് ബൈക്ക് റാലി സമാപിക്കും. കോവിലില് ദര്ശനത്തിനുശേഷം പാര്ട്ടിയുടെ സംസ്ഥാന കമ്മിറ്റി ഓഫീസിലെത്തും.
ആര്.എസ്.എസിന്റെയും ബി.ജെ.പിയുടെയും തുടര്ച്ചയായ ആവശ്യം അംഗീകരിച്ചാണ് കുമ്മനത്തെ മടക്കിയയക്കാന് ദേശീയനേതൃത്വം നിര്ബന്ധിതരായത്. തിരുവനന്തപുരത്ത് സ്ഥാനാര്ഥിയാക്കുക, എന്.ഡി.എയുടെ കണ്വീനറാക്കുക തുടങ്ങിയവയാണ് ആര്.എസ്.എസ്. മുന്നോട്ടുവെച്ച ആവശ്യങ്ങള്. രണ്ടിലും തീരുമാനം വരാനിരിക്കുന്നതേയുള്ളൂ. കുമ്മനം തിരുവനന്തപുരത്ത് മത്സരിക്കുമെന്ന് ഏകദേശം ഉറപ്പായിട്ടുണ്ട്.
സംസ്ഥാനത്തെ 20 മണ്ഡലങ്ങളിലേക്കുമുള്ള എന്.ഡി.എ സ്ഥാനാര്ത്ഥികളെ ബി.ജെ.പി അഖിലേന്ത്യാ നേതൃത്വം ഉടന് പ്രഖ്യാപിക്കും. മൂന്നാം ഘട്ടത്തിലാണ് കേരളത്തിലെ തിരഞ്ഞെടുപ്പ് എന്നതിനാല് ആദ്യഘട്ട പോളിംഗ് നടക്കുന്ന സംസ്ഥാനങ്ങളിലെ സ്ഥാനാര്ത്ഥികളെയാണ് ഇപ്പോള് നിശ്ചയിച്ചിരിക്കുന്നത്. എങ്കിലും കേരളത്തില് ഇടതുമുന്നണി സ്ഥാനാര്ത്ഥികളെ തീരുമാനിച്ച് കളത്തിലിറങ്ങിയ സാഹചര്യത്തില് എന്.ഡി.എ സ്ഥാനാര്ത്ഥി പ്രഖ്യാപനം രണ്ടു ദിവസത്തിനകം ഉണ്ടാകുമെന്നാണ് സൂചന.
അതേസമയം ത്രികോണ മത്സരത്തിന് അരങ്ങൊരുങ്ങിയ തിരുവനന്തപുരത്ത് വിശ്വാസികള്ക്കിടയില് ശ്രദ്ധ കേന്ദ്രീകരിച്ചുള്ള പ്രചാരണങ്ങളിലാണ് സ്ഥാനാര്ത്ഥികള് കൂടുതല് ശ്രദ്ദ കേന്ദ്രീകരിക്കുന്നത്. പ്രചരണ രംഗത്ത് സജീവമായതോടെ ക്ഷേത്ര ദര്ശനങ്ങളുടെ തിരക്കിലാണ് ഇടത് സ്ഥാനാര്ത്ഥി സി ദിവാകരന്. ഉത്സവകാലത്ത് ക്ഷേത്രങ്ങളില് തൊഴുതും പ്രസാദം വാങ്ങിയും ഭക്തരുടെ വോട്ടുറപ്പിച്ചുമാണ് സി ദിവാകരന് മുന്നേറുന്നത്.
ഔദ്യോഗിക പ്രഖ്യാപനം ആയില്ലെങ്കിലും മണ്ഡലത്തില് മൂന്നാം അങ്കം ഉറപ്പിച്ച് കഴിഞ്ഞ ശശി തരൂരും വിശ്വാസം വിട്ടൊരു കളിക്കില്ല. വിശ്വാസ സംരക്ഷണത്തിന് ഒപ്പം നിന്നത് എപ്പോഴും കോണ്ഗ്രസ് ആയിരുന്നു എന്നാണ് ശശി തരൂര് വോട്ടര്മാരെ ഓര്മ്മിപ്പിക്കുന്നത്.
https://www.facebook.com/Malayalivartha
