വയനാട് എത്താനാകാതെ രാഹുല്; പ്രചാരണത്തിന് തുടക്കമിടാന് രാഹുല് ഗാന്ധി ഇന്നെത്തുന്നതോടെ കോണ്ഗ്രസ് ക്യാംപുകള് സജീവം
പ്രചാരണത്തിന് തുടക്കമിടാന് രാഹുല് ഗാന്ധി ഇന്നെത്തുന്നതോടെ കോണ്ഗ്രസ് ക്യാംപുകള് സജീവം. കേരളത്തിലെയും തമിഴ്നാട്ടിലെയും തെരഞ്ഞെടുപ്പ് പ്രചാരണം ഉദ്ഘാടനം ചെയ്യാന് കോണ്ഗ്രസ് അധ്യക്ഷന് രാഹുല് ഗാന്ധി എത്തും. തമിഴ്നാട്ടില് നിന്നായിരിക്കും തിരുവനന്തപുരത്ത് എത്തുക. പ്രത്യേക വിമാനത്തില് കൊച്ചിയിലെത്തുന്ന അദ്ദേഹം രാത്രി തൃശൂര് രാമനിലയത്തില് താമസിക്കുമെന്ന് കെ.പി.സി.സി അധ്യക്ഷന് മുല്ലപ്പള്ളി രാമചന്ദ്രന് അറിയിച്ചു. 14ന് വൈകീട്ട് നാലിന് കോഴിക്കോട് കടപ്പുറത്ത് ജനമഹാറാലിയുടെ ഉദ്ഘാടനത്തോടെ കേരളത്തില് കോണ്ഗ്രസിന്റെ പ്രചാരണത്തിന് തുടക്കംകുറിക്കും. മലബാറിലെ ലക്ഷം പ്രവര്ത്തകര് സംബന്ധിക്കും.
14ന് രാവിലെ 10ന് തൃപ്രയാറില് ഫിഷര്മാന് പാര്ലമന്റെില് പങ്കെടുത്തശേഷം 12.15ന് കണ്ണൂരിലേക്ക് പോകും. കണ്ണൂര് വിമാനത്താവളത്തില് കൊല്ലപ്പെട്ട ഷുൈഹബിന്റെ കുടുംബാംഗങ്ങളെ കാണും. ഉച്ചക്ക് ഒന്നിന് കാസര്കോട് പെരിയയിലേക്ക് പുറപ്പെടും. വൈകീട്ട് 3.25ന് കൊല്ലപ്പെട്ട യൂത്ത് കോണ്ഗ്രസ് പ്രവര്ത്തകരുടെ കുടുംബാംഗങ്ങളെ സന്ദര്ശിക്കും. തുടര്ന്ന് കോഴിക്കോട്ടെത്തി ജനമഹാറാലിയില് പങ്കെടുത്ത് വൈകീട്ട് ഡല്ഹിക്ക് മടങ്ങും.
സുരക്ഷ ഏജന്സികളുടെ അനുമതി ലഭിക്കാത്തതിനാല് പുല്വാമയില് വീരമൃത്യു വരിച്ച സി.ആര്.പി.എഫ് ജവാന് വി.വി. വസന്തകുമാറിന്റെ വയനാട് ലക്കിടിയിലെ വീട് സന്ദര്ശനം ഉപേക്ഷിച്ചു. മാവോവാദി ഭീഷണി ചൂണ്ടിക്കാട്ടി യാത്ര റദ്ദാക്കണമെന്ന് സുരക്ഷ ഏജന്സികള് ആവശ്യപ്പെട്ടിരുന്നു.
https://www.facebook.com/Malayalivartha
