ചൈനയുടെ പൂര്ണ പിന്തുണ തങ്ങള്ക്കെന്ന് പാകിസ്ഥാന് വിദേശകാര്യമന്ത്രി പ്രഖ്യാപിച്ചതിന് പിന്നാലെ പുതിയ തന്ത്രം മെനഞ്ഞ് ഇന്ത്യ; വിദേശകാര്യമന്ത്രി എസ്. ജയശങ്കര് ചൈനയിലെത്തി; കാശ്മീര് വിഷയത്തില് പാകിസ്ഥാന് പിന്തുണ കൊടുക്കാതിരിക്കാന് നിര്ണായക ചര്ച്ച
വിദേശകാര്യമന്ത്രി എസ്. ജയശങ്കര് മൂന്ന് ദിവസത്തെ സന്ദര്ശനത്തിനായി ചൈനയിലെത്തി. ഇന്ത്യയും ചൈനയും തമ്മിലുള്ള ബന്ധം ശക്തമാക്കുന്നതിന്റെ ഭാഗമായാണ് സന്ദര്ശം. ജയശങ്കര് ചൈനീസ് സ്റ്റേറ്റ് കൗണ്സിലറും വിദേശകാര്യമന്ത്രിയുമായ വാങ് യിയു ഉള്പ്പെടെയുള്ള നേതാക്കന്മാരുമായി കൂടിക്കാഴ്ച നടത്തും. രണ്ടാം മോദി സര്ക്കാര് അധികാരത്തിലെത്തിയതിനു ശേഷം ചൈന സന്ദര്ശിക്കുന്ന ആദ്യ കേന്ദ്രമന്ത്രിയാണ് ജയശങ്കര്. സന്ദര്ശനവേളയില് ജയശങ്കര് നാല് ധാരണാപത്രങ്ങളില് ഒപ്പിടുമെന്നാണ് പ്രതീക്ഷിക്കപ്പെടുന്നത്.
ചൈനീസ് പ്രസിഡന്റ് ഷീ ജിന്പിങ് ഇന്ത്യയില്വെച്ച് പ്രധാനമന്ത്രി നരേന്ദ്ര മോദിയുമായി ഇക്കൊല്ലം നടത്താനിരിക്കുന്ന രണ്ടാമത്തെ അനൗദ്യോഗിക കൂടിക്കാഴ്ച ഉള്പ്പെടെയുള്ള വിഷയങ്ങളില് ചൈനീസ് നേതൃത്വവുമായി ജയശങ്കര് ചര്ച്ച നടത്തും. തിങ്കളാഴ്ച ചൈനീസ് നേതൃത്വവുമായി ജയശങ്കര് ചര്ച്ച നടത്തുമെന്നാണ് വിവരം. എന്നാല് ആരുമായാണ് ചര്ച്ച നടത്തുന്നതെന്ന കാര്യം വ്യക്തമായിട്ടില്ല.
https://www.facebook.com/Malayalivartha
