സ്വർണ്ണാഭരണങ്ങൾ കവർന്ന പെൺകുട്ടിയെ പോലീസ് പിടിക്കൂടി. വീട്ടിൽ നിന്നുമായിരുന്നു 19.5 പവൻ സ്വർണ്ണാഭരണങ്ങൾ പെൺക്കുട്ടി കവർന്നത്. ഈ കേസിൽ 19 കാരിയായ കോളേജ് വിദ്യാർത്ഥിനിയാണ് പിടിയിലായിരിക്കുന്നത് . വിദ്യാർത്ഥിനിയെ മോഷണത്തിന് പ്രേരിപ്പിച്ചത് കാമുകനായിരുന്നു. ഇയാളെ കണ്ടെത്താൻ പൊലീസ് തിരച്ചിൽ ശക്തമാക്കി കഴിഞ്ഞു. കാമുകന് വേണ്ടിയാണ് സ്വർണ്ണ മോഷ്ടിച്ചതെന്ന് പെൺകുട്ടിയും പൊലീസിന് മൊഴി നൽകിയിരുന്നു. അടുക്കത്ത്ബയൽ ഗുഡ്ഡെ ടെമ്പിൾ റോഡ് കോടിവളപ്പിലെ ഒരു വ്യക്തിയുടെ വീട്ടിൽ നിന്നുമായിരുന്നു പെൺകുട്ടി ആഭരണങ്ങൾ എടുത്തത്. സ്വർണ്ണം കാണാതായ കേസിൽ ഉദുമ മുതിയക്കാൽ കുതിരക്കോട് സ്വദേശിനിയായ പെൺകുട്ടിയാണ് പൊലീസ് കസ്റ്റഡിയിലായിരിക്കുന്നത്. ഇതുസംബന്ധിച്ച് സുനിൽ ടൗൺ പൊലീസിൽ പരാതി നൽകുകയും ചെയ്തിരുന്നു. ഇവരുടെ അകന്ന ബന്ധുവായ ഒരു യുവതി കുഞ്ഞിനെ കാണാൻ വീട്ടിലെത്തിയിരുന്നതായും പൊലീസിനെ അറിയിക്കുകയുണ്ടായി.

ഇതിന്റെ അടിസ്ഥാനത്തിൽ കോളജ് വിദ്യാർത്ഥിനിയെ കസ്റ്റഡിയിലെടുത്ത് ചോദ്യം ചെയ്തതോടെയാണ് സ്വർണാഭരണങ്ങൾ കവർന്നതായി പെൺകുട്ടി സമ്മതിച്ചത്. കൂടുതൽ ചോദ്യം ചെയ്യലിൽ കുമ്പള സ്വദേശിയും ഒരെ കോളേജിൽ വിദ്യാർത്ഥിയുമായ കാമുകനു വേണ്ടിയാണ് സ്വർണം കവർച്ച നടത്തിയതെന്ന് പെൺകുട്ടി സമ്മതിക്കുകയും ചെയ്തു. പൊലീസ് നടത്തിയ അന്വേഷണത്തിൽ പെൺകുട്ടിക്ക് പണമൊന്നുംകിട്ടിയിട്ടില്ലെന്ന് കണ്ടെത്തിയിട്ടുണ്ട്. കവർന്ന സ്വർണ്ണാഭരണങ്ങൾ മുഴുവൻ മംഗളുരുവിലെ പല ജ്വല്ലറികളിലായി വില്പന നടത്തി. ആ വിറ്റു കിട്ടിയ പണം മുഴുവൻ അടിച്ചുമാറ്റിയത് യുവാവാണെന്ന് വ്യക്തമാകയും ചെയ്തിരുന്നു . മംഗളൂരുവിലെ കോളജിൽ വിദ്യാർത്ഥികളാണ് ഇരുവരും. അപകടത്തിൽപെട്ടുവെന്നും കുറച്ചുപണം തരപ്പെടുത്തി നൽകണമെന്നും യുവാവ് അഭ്യർത്ഥിച്ചതിന്റെ അടിസ്ഥാനത്തിൽ മറ്റുവഴികളൊന്നും ഇല്ലാതെ വന്നപ്പോഴായിരുന്നു മോഷണം നടത്തിയതെന്നാണ് പെൺകുട്ടിയുടെ മൊഴി. കുഞ്ഞിനെ കാണാനാണ് അകന്ന ബന്ധുവായ യുവതി സുനിലിന്റെ വീട്ടിലെത്തിയത്. ഇതിനിടെ വസ്ത്രം മാറാനെന്ന് പറഞ്ഞ് മുറിയിൽ കയറുകയും ചെയ്തു. താക്കോൽ അലമാരയിൽ തന്നെ വച്ച നിലയിൽ കണ്ട് അലമാര തുറന്ന് അകത്തുണ്ടായിരുന്ന സ്വർണാഭരണങ്ങൾ കൈക്കലാക്കി കടന്നുകളയുകയായിരുന്നു. കാസർകോട് ടൗൺ എസ് ഐ നളിനാക്ഷന്റെ നേതൃത്വത്തിലാണ് അന്വേഷണം നടക്കുന്നത്. സ്വർണ്ണം കൊണ്ടുപോയി വിൽപ്പന നടത്തിയതിനാൽ കാമുകനെയും കേസിൽ പ്രതിചേർക്കും. പൊലീസ് നടത്തിയ അന്വേഷണത്തില്‍ പെണ്‍കുട്ടിക്ക് പണമൊന്നും ലഭിച്ചിട്ടില്ലെന്ന് കണ്ടെത്തിയിട്ടുണ്ട്.