നേട്ടമില്ലാതെ വിപണി. സെന്‍സെക്സ് 10 പോയന്റ് താഴ്ന്ന് 52,472ലും നിഫ്റ്റി 2 പോയന്റ് നഷ്ടത്തില്‍ 15,720ലുമാണ് വ്യാപാരം ആരംഭിച്ചത്. വോഡാഫോണ്‍ ഐഡിയ ഓഹരി 10ശതമാനത്തിലേറെ കൂപ്പുകുത്തി.

ഹിന്ദുസ്ഥാന്‍ യുണിലിവര്‍, ടാറ്റ സ്റ്റീല്‍, ടിസിഎസ്, നെസ് ലെ, എച്ച്സിഎല്‍ ടെക്, എച്ച്ഡിഎഫ്സി ബാങ്ക്, എസ്ബിഐ, എന്‍ടിപിസി, എല്‍ആന്‍ഡ്ടി, ടെക് മഹീന്ദ്ര, ബജാജ് ഫിന്‍സര്‍വ്, പവര്‍ഗ്രിഡ്, ബജാജ് ഫിനാന്‍സ് തുടങ്ങിയ ഓഹരികളാണ് നഷ്ടത്തില്‍. മഹീ

ന്ദ്ര ആന്‍ഡ് മഹീന്ദ്ര, ബജാജ് ഓട്ടോ, ഏഷ്യന്‍ പെയിന്റ്സ്, ഭാരതി എയര്‍ടെല്‍, മാരുതി, ടൈറ്റാന്‍, ഐസിഐസിഐ ബാങ്ക്, ഡോ.റെഡ്ഡീസ് ലാബ്, എച്ച്ഡിഎഫ്സി, ഐടിസി തുടങ്ങിയ ഓഹരികള്‍ നേട്ടത്തിലുമാണ്.

നിഫ്റ്റി ഓട്ടോ സൂചികകള്‍ ഉള്‍പ്പടെയുള്ളവ നേട്ടത്തിലാണ്. ഏഷ്യന്‍ സൂചികകളിലെ നഷ്ടമാണ് രാജ്യത്തെ വിപണിയിലും പ്രതിഫലിച്ചത്. വിദേശ നിക്ഷേപകര്‍ രാജ്യത്തെ ഓഹരികളുടെ വില്പന തുടരുകയാണ്.

കഴിഞ്ഞ ദിവസംമാത്രം 1,646.66 കോടി രൂപയുടെ ഓഹരികളാണ് അവര്‍ വിറ്റൊഴിഞ്ഞത്. അതേസമയം, മ്യൂച്വല്‍ ഫണ്ട് ഹൗസുകള്‍ ഉള്‍പ്പടെയുളള രാജ്യത്തെ നിക്ഷേപ സ്ഥാപനങ്ങള്‍ 1,520.18 കോടി രൂപയുടെ ഓഹരികള്‍ വാങ്ങുകയുചെയ്തു.